Միջազգային

Էլ ինչ տեխնիկա ՌԴ կվաճառի Ադրբեջանին. Շոյգուն Բաքվում է

Այսօր  Բաքու է ժամանում Ռուսասանի պաշտպանության նախարար Սերգեյ Շոյգուն: Դաշնության պաշտպանական գերատեսչությունը հայտնել է, որ Շոյգուն իր ադրբեջանցի պաշտոնակից  Զաքիր Հասանովի հետ քննարկելու է միջազգային անվտանգության արդի հարցերը, երկկողմ ռազմատեխնիկական համագործակցությունն ու Կասպյան տարածաշրջանում փոխգործակցության ամրապնդումը: Ռուսաստանի պաշտպանության նախարարը կհանդիպի նաև Ադրբեջանի նախագահի հետ:

Շոյգուի՝  Բաքու այցին այսօր անդրադարձել է ռուսական «Նեզավիսիմայա գազետա»  պարբերականը: Թերթին Ռուսաստանի պաշտպանության նախարարությունից հայտնել են, որ Բաքվի բանակցություններից հետո ստորագվրելու է երկու երկների պաշտպանական գերատեսչությունների միջև համագործակցության ծրագիր՝ հաջորդ տարվա համար: Մանրամասները հայտնի չեն, սակայն թերթի համոզմամբ, խոսքը ռազմական տեխնիկայի վաճառքի, նաև կադրերի պատրաստման մասին կարող է լինել:

Վերլուծաբանները մասնավորապես ուշադրություն են հրավիրում երկու օր առաջ կայացած Ադրբեջանի կառավարության ըդդլայնված խորհրդակցության վրա, որի օրակարգում են եղել երկրի պաշտպանունակության կոնկրետ հարցերը: Հաշվի առնելով փաստը, որ Ադրբեւջանը հիմնականում զինված է ռուսական արտադրության զենքով, կարելի է ենթադրել նաև Սերգեյ Շոյգուի հետ քննարկվելիք հարցերի շրջանակը:

Թերթը, հղում անելով ռազմական փորձագետներին, գրում է, որ ռուսական ռազմական գերատեսչության ղեկավարների հաճախակի դարձած այցերն Ադրբեջան վկայում են երկու երկրների համագործակցության հաջող ընթացքի մասին:

Ադրբեջանում  զենքի  գնման  մասշտաբները տպավորիչ են: Վերջին 4 տարիների ընթացքում Ադրբեջանը  գնել է 3,35 մլրդ դոլարի սպառազինություն: Գումարի 80% -ը ծախսվել է ռուսական արտադրության զենք՝ S 300  հրթիռային համակարգեր, T90S  տիպի 90 տանկ, 100 հատ БМП զրահամեքենա և այլ ծանր տեխնիկա: «Թե էլ ինչ տեխնիկա և սպառազինությունը կգնի Ադրբեջանը Ռուսաստանից, պարզ կլինի Բաքվի բանակցություններից հետո», գրում է ռուսական պարբերականը:

Ցուցադրել ավելի
Back to top button