«Air Armenia»- ն դադարեցրել է միայն Ֆրանկֆուրտ թռիչքները

«Air Armenia» ավիաընկերությունն այսօր հայտարարել է, որ սահմանված կարգով ըստ չվացուցակի իրականացնում է բոլոր չվերթները: Չվացուցակի համաձայն՝ «Air Armenia» ավիաընկերությունն իրականացնում է ուղևորափոխադրումներ դեպի Ռուսաստանի Դաշնություն և  եվրոպական երկրներ։

Ավիաընկերության երկու օդանավերի պլանային  տեխնիկական սպասարկման խնդիրներից ելնելով՝ ժամանակավորապես դադարեցվել են դեպի Ֆրանկֆուրտ իրականացվող չվերթները: Համաձայն չվացուցակի՝ շարունակվում են դեպի Փարիզ և Աթենք կատարվող թռիչները։