Հասարակություն

Երեխայի խնամքի տևողության ժամանակը չի կրճատվի.Անահիտ Գալստյան

Հասմիկ Դիլանյան
«Ռադիոլուր»

Աշխատանքի ու սոցիալական հարցերի նախարարությունը փաթեթ է հաստատել, որով փոփոխություննր են նախատեսվում «Պետական նպաստների մասին» և «Ժամանակավոր անաշխատունակության նպաստների մասին» օրենքներում, իրավական այս ակտերում նաև լրացումներ և փոփոխություններ են նախատեսվում: Կառավարությունը նախագիծն արդեն հաստատել է, այն սահմանված կարգով կներկայացվի Աժ: «Պետական նպաստների մասին» օրենքում էական փոփոխություններ չեն կատարվել, նախատեսված արմատական փոփոխությունը հանվել է օրակարգից: Տեղեկացնենք, որ առաջարկվում էր երեխայի խնամքի նպաստի տևողությունը սահմանել մեկ տարի, ներկայիս  երկու տարվա փոխարեն: Սակայն, աշխատանքի ու սոցիալական հարցերի նախարարության  կենսաթոշակային ապահովության վարչության պետ Անահիտ Գալստյանը մեզ փոխանցեց, որ երեխայի խնամքի տևողության ժամանակը չի կրճատվի: Այն կշարունակի մնալ երկու տարի: Մայրերը, եթե երկու տարի մնան տանն ու խնամեն երեխային, կշարունակեն ստանալ իրենց 18 հազար դրամը:

Եթե կինը որոշի ավելի շուտ աշխատանքի վերադառնալ, վերադարձի պահից սկսած նա կզրկվի 18 հազար դրամից: Սակայն, ինչպես մեզ փոխանցեց նախարարության ներկայացուցիչը, եթե որոշ ժամանակ անց, մայրը ցանկանա   կրկին զբաղվել երեխայի խնամքով, ապա նորից  կստանա 18 հազար դրամը: Երեխայի՝ երկու տարին լրանալուց հետո կինը կարող է ևս մեկ տարի երեխային խնամել, սակայն, այս դեպքում նա  գումար չի ստանա: Այս կարգում որևէ փոփոխություն չի  կատարվել:

Փոփոխություններ և լրացումներ են  կատարվել են «Ժամանակավոր անաշխատունակության նպաստների մասին» օրենքում: Ընդ որում՝ երկու առանցքային փոփոխություն: Նախ սահմանվել է  մայրության նպաստ և փոխվել է  նպաստի հաշարկման կարգը: 2016թ հունվարի մեկից չաշխատող կանայք նույնպես գումար կստանան: Սա մայրության նպաստ է կոչվելու, քանի որ կանանց գումարը տրվելու  միայն նրա համար, որ մայր են դառնալու: Սա կիրառվելու է առաջին անգամ:

Մոտ 29-30 հազար չաշխատող  անձանց մասին է խոսքը,  պարզապես նրանք  մինչև երեխայի ծնվելու 70 օրվա գումարը չեն ստնանա: Աշխատանքի ու սոցիալական հարցերի նախարարության  կենսաթոշակային ապահովության  վարչության պետ   Անահիտ Գալստյանը ևս մեկ փոփոխության մասին մատնանշեց.«Գումար կստանան նաև նրանք, ովքեր երեխա կորդեգրեն և փոխնակ մայրերը: Պարզապես նախածննդյան գումարը չեն ստանա»:

Ցուցադրել ավելի
Back to top button