Հասարակություն

Այսօր կհրապարկվեն ՄԻԵԴ-ում Հայաստանը ներկայացնող դատավորի պաշտոնին հավակնող երեք թեկնածուների անունները

Լուսինե Վասիլյան
«Ռադիոլուր»

Այսօր կհրապարկվեն  Մարդու իրավունքների եվրոպական դատարանում  Հայաստանը ներկայացնող դատավորի պաշտոնին  հավակնող երեք  թեկնածուների անունները:  Մրցութային հանձնաժողովն այս պահին ամփոփում է   մրցույթի հիմնական փուլի՝ հարցազրույցի  արդյունքները: Թեկնածուներին ներկայացվող պահանջները, հիշեցնենք, գնահատվելու  են 100 բալանի սանդղակով, երեք  հիմնական չափորոշիչներով ՝ անձնական հատկանիշներ, մասնագիտական որակներ, լեզվական կարողություններ:

Մրցույթի արդյունքներով հանձնաժողովը կհրապարակի  ամենաբարձր միավորները հավաքած  երեք թեկնածուների անունները: Ըստ  ընտրության  սահմանված կարգի՝   պարտադիր պայմաններից է թեկնածուներից  առնվազն մեկի կին լինելը:

Հրապարակվելուց հետո հավակնորդների ցուցակը կներկայացվի հանարպետության նախագահին, նրա կողմից  հաստատվելու դեպքում կուղարկվի Ստրասբուրգ: ՄԻԵԴ-ում Հայաստանը ներկայացնող դատավորի վերջնական ընտրությունը կատարելու է  Եվրոպայի խորհրդի խորհրդարանական վեհաժողովը:

Ի դեպ, ինչպես նախագահը, այնպես էլ ԵԽԽՎ-ն իրավունք ունեն մերժել բոլոր երեք թեկնածուներին.  այդ դեպքում պետք է նոր մրցույթ հայտարարվի:

Հիշեցնենք՝ 12 հավակնորդների թվում են  թվում են նախկին օմբուդսմեն Արմեն Հարությունյանը, միջազգային իրավունքի մասնագետ Արա Ղազարյանը, փաստաբան Վահե Գրիգորյանը, Սահմանադրական դատարանի  խորհրդական Եղիշե Կիրակոսյանը, նաև մի քանի  դատավորներ ու  դատախազության աշխատակիցներ ։

Ցուցադրել ավելի
Back to top button