ԿարևորՀասարակություն

ԽԱՊԿ-ն հրապարակել է 2014թ. մայիսից մինչև սեպտեմբեր իրականացված հետազոտության արդյունքները

Լուսինե Վասիլյան
«Ռադիոլուր»

Խոսքի ազատության պաշտպանության կոմիտեն հրապարակել է 2014թ. մայիսից մինչև սեպտեմբեր իրականացված հետազոտության արդյունքները, որով գնահատվել է  հայաստանյան պետական կառույցների տեղեկատվական թափանցիկության մակարդակը: Ոսումնասիրվել են 44 գերատեսչությունների  կայքեր՝  34-ը նախարարություններն ու կառավարությանն առընթեր մարմիններն են , 10-ը՝ մարզպետարանները:

ԽԱՊԿ նախագահ Աշոտ Մելիքյանն այսօր ասել է, որ կայքերի դիտարկումն իրականացվել է նորացված մեթադաբանությամբ, 146 չափորոշիչով: Գնահատվել  են տեղեկությունների առկայությունը, ամբողջականությունը , հրատապոսւթյունն ու մատչելիությունը:  Ըստ բոլոր չափորոշիչների համադրման՝ ձևավորվել են կայքերի տեղեկատվական թափանցիկության գործակիցները և  ըստ դրանց էլ՝ կազմվել վարկանիշային աղյուսակները:

«Առաջին տեղում տարածքային կառավարման նախարարությունն է՝ 99.36 % թափանցիկությամբ, երկրորդ տեղում ՀՀ միգրացիոն պետական ծառայությունն է, երրորդում ՝ գյուտնտեսության նախարարությունը»:

Իսկ վատագույնների կամ տեղեկատվության թափանցիկությունն ամենաքիչը ապահոված կառույցների եռյակում էներգետիկայի և բնական պաշարների նախարարությունն է, Հեռուստատեսության  և ռադիոյի ազգային հանձնաժողովը և միջուկային անվտանգության կարգավորման պետական կոմիտեն:

Մարզպետարաններից լավագույն ցուցանիշը Կոտայքի մարզինն է, վատագույնը ՝ Սյունիքինը:

Ցուցադրել ավելի
Back to top button