Հասարակություն

Բարեկամության հռչակագիր՝ ԼՂՀ Շուշի և Ֆրանսիայի Բուրգ Լե Վալանս քաղաքների միջև

Լեռնային Ղարաբաղի Հանրապետության Շուշիի քաղաքապետ Արծվիկ Սարգսյանը և Արցախ ժամանած Ֆրանսիայի Բուրգ Լե Վալանսի քաղաքապետ Մարլեն Մուրիեն նախօրեին ստորագրել են Բարեկամության հռչակագիր երկու քաղաքների միջև։ Այս մասին հայտնում է ԼՂՀ ԱԳՆ մամուլի ծառայությունը:

Հռչակագրում մասնավորապես նշվում է, որ ողջունելով Լեռնային Ղարաբաղի՝ Արցախի Հանրապետության ժողովրդի և իշխանությունների հետևողական քայլերն՝ ուղղված ազատ և ժողովրդավարական հասարակության ստեղծմանն ու զարգացմանը, ու գիտակցելով, որ Լեռնային Ղարաբաղի ժողովրդի մեկուսացումը չի նպաստում ժողովուրդների երկխոսությանը և վերջնական խաղաղության հաստատմանը՝ կողմերը որոշել են բարեկամական կապեր հաստատել երկու քաղաքների միջև։

Հռչակագիրը նպատակ ունի նպաստել երկու քաղաքների միջև հարաբերությունների զարգացմանը և խթանել համատեղ ծրագրերի իրականացումը կրթության, մշակույթի, սպորտի, առևտրի և տեղական կառավարման ոլորտներում։

Ցուցադրել ավելի
Back to top button