Միջազգային

Թեհրանն անհանգստացած է Սիրիայում թուրքական ռազմական հնարավոր գործողություններից

Թուրքիան կանի հնարավոր ամեն ինչ՝ «Իսլամական պետություն» ահաբեկչական խմբավորումից Սիրիայի Քոբանի քրդաբնակ բնակավայրը պաշտպանելու համար, թուրքական ATV հեռուստաընկերության եթերում հայտարարել է վարչապետ Ահմեթ Դավութօղլուն։ «Մենք պաշտպանելու ենք այնտեղ բնակվող մեր քուրդ եղբայրներին, սակայն դա քրդական հարցի կարգավորման հետ չպետք է կապել»,- ասել է նա։

Հիշեցնենք, որ երեկ թուրք օրենսդիրները  հաստատել են թուրքական  զինուժը Սիրայում և Իրաքում օգտագործելու մասին որոշումը (մանրամասները՝ այստեղ

Իսկ ահա Թեհրանին անհանգստացրել է Սիրիայի տարածքում ռազմական գործողություններ իրականացնելու Թուրքիայի որոշումը։ Այսօր Իրանի արտգործնախարար Մոհամմադ Ջավադ Զարիֆը զանգահարել է թուրք պաշտոնակցին։ «Տարածաշրջանի երկրները պետք է պատասխանատվությամբ մոտենան տեղի ունեցող իրադարձություններին և  չնպաստեն տարածաշրջանում իրավիճակի սրմանը»,- Մեվլութ Չավուշօղլուին ասել է Իսլամական Հանրապետության արտգործնախարարը։

Ցուցադրել ավելի
Back to top button