ԿարևորՀասարակություն

2016թ ավարտին այլևս երկրաշարժի հետևանքով անօթևան ընտանիք չի լինի. Նարեկ Սարգսյան

Հասմիկ Դիլանյան
«Ռադիոլուր»

Կառավարության  հաստատած հերթական որոշումը կհետաքրքրի մեր Գյումրիի ունկնդիրներին հատկապես, քանի որ վերաբերում է երկրաշարժի հետևանքով անօթևան մնացած  450 ընտանիքներից  215-ին: Վերջիններիս բնակարններով ապահովելու հարցը մի քանի ամիս քննարկվել է կառավարությունում ու ինչպես այսօր տեղեկացրեց քաղաքաշինության նախարար Նարեկ Սարգսյանը որոշել են այդ ընտանիքներին բնակարանների գնման վկայագիր տրամադրել:

Կառավարությունը վերադառնում է բնակարանների գնման վկայագրերին, քանի որ նոր բնակարաններ կառուցելու  տարիներ կպահանջի: Անշարժ գույքի կադաստրի պետական կոմիտեի և քաղաքինության նախարարության ուսումնասիրությունների արդյունքում մեկ քառակուսի մետրը գնահատվել է շուրջ 109 հազար դրամ, և մի կարևոր հանգամանք, որ եթե ընտանիքները բնակարան ձեռք կբերեն աելի ցածր գնով, նրանց տրամադրված գումարը կմնա իրենց, այլ ոչ թե կվերադարձվի կառավարությանը:

ԲԳՎ ձեռքբերման համար կառավարությունը հատկացրեց 1 մլրդ 500 մլն դրամ: Այս ընտանիքները առաջիկա վեց ամիսներին կավարտեն բնակարանների ձեռքբերման գործընթացը և  մնացած ընտանիքների հարցն էլ կլուծվի մինչև 2015թ ավարտը:  Սակայն, Շիրակի և Լոռու մարզերի գյուղական բնակավայրերում դեռ  երկրաշարժի հետևանքով անօթևան  ընտանիքներ կան, նրանց բնակարաններով ապահովելու ծրագրերը կազմվում են,  մինչև 2016թ ավարտը նրանց  խնդիրը ևս կլուծվի:  Լրագրողները քաղաքաշինության նախարար Նարեկ Սարգսյանին  հիշեցրեցին, որ ՀՀ նախագահն իր նախընտրական   քարոզարշավի ժամանակ խոստացել էր, որ 2016թ ավարտին այլևս երկրաշարժի հետևանքով անօթևան ընտանիք չի լինի:

Ցուցադրել ավելի
Back to top button