Հասարակություն

Պենտեկոստեն ու քրեական հեղինակությունները.Սեւակ Հովհաննիսյանի նոր բացահայտումները

Աիդա Ավետիսյան
«Ռադիոլուր»

Աղանդներ, որոնք օրեց օր ավելանում են Հայաստանում և լուրջ վտանգ սպառնում մեր հասարակությանը: Ոմանք էլ չհասկանալով հարցի լրջությունը,  շատ անգամ գայթակղվում են առաջարկներով ու հայտնվում ծուղակում:Այս անգամ Միացյալ երիտասարդական լիգան ահազանգ է ստացել Պենտեկոստե աղանդից տուժածից, ումից քրեական հեղինակություն վայելողները փորձել են շորթել գումարներ: Լիգան նաև հայտնաբերել է նոր աղանդ՝ «Նոր ուղի» անվանմամբ, որն էլ մարդկանց քարոզում է ինքնասպանության փորձեր կատարել: 

Մոտ երեք օր առաջ Գորիսի քրեակատարողական հիմնարկում իր պատիժը կրող քրեական հեղինակություն վայելող Արթուրը՝ մականունը Չոփ,  փորձել է աղանդավորական հողի վրա Պենտեկոստե աղանդի նախկին հետևորդից  շորթել 40 հազար դոլար գումար: Արթուրն ինքն էլ  Պենտեկոստե աղանդի անդամներից է և  Միացյալ երիտասարդական լիգայի ղեկավար Սևակ Հովհաննիսյանի խոսքով, փորձել է ի կատար ածել  աղանդի ղեկավարության պատվերը: Տուժածի ընտանիքը գտնվում է Միացյալ նահանգներում, քույրը՝ Հայաստանում, ով էլ այս հարցով  դիմել է լիգային: Տուժածին ԱՄՆ-ում նույնիսկ ահաբեկել են:

Միացյալ երիտասարդական լիգայի ղեկավար Սևակ Հովհաննիսյանն անձամբ է խոսել Արթուրի հետ, ով էլ սկզբում հերքել է իր կապն այդ ընտանիքի հետ, իսկ հետո ահաբեկել Սևակ Հովհաննիսյանին՝ առաջարկելով չխանգարել քունը:  Միացյալ երիտասարադական լիգան բազմիցս է բարձրաձայնել այս աղանդից տուժածների խնդիրների մասին և Սևակ Հովհաննիսյանի  խոսքով՝  իրեն լռեցնելու համար առարջակել են 10 հազարչժ դոլար, որից էլ ինքը բնականաբար հրաժարվել է:

Հիշեցնենք, որ Պենտեկոստեն Հայաստանում գործում է մոտ 20 տարի:  Հիմնական հավաքատեղին էլ «Էրեբունի» վարչական շրջանում է: Աղանդի ղեկավարը Նինել Մովսիսյանն է: Աղանդը քարոզում է հոգեգալստականություն: Եվ ահա Հայաստանում հայտնաբերվել է ևս նոր աղանդ՝ « Նոր ուղի» անվանմամբ: Աղանդը Հայաստան է ներթափանցել Ուկրաինայից, քարոզն էլ ինքնասպանությունն է, իսկ   տուժածներն էլ շոու բիզնեսում հայտնի մարդիկ են, ում անունները դեռևս Սևակ Հովհաննիսյանը խուսափեց բարձրաձայնել: Միայն նշեց, որ վերջիններիս կանայք ինքնասպանության փորձեր են կատարել: Սևակ Հովհաննիսյանի խոսքով՝ աղանդի պարագլուխներից է «Պարի՛ր թե կարող ես»  նախագծի մասնակիցներից  Մարի Հովհաննիսյանը, ով  մարդկանց հոգեորսությամբ ներգրավում է  աղանդի շարքեր և քարոզում  ինքնասպանություն:

« Ինքը հանդիսանալով «Պարի՛ր թե կարող ես» նախագծի մասնակիցներից , ունի նաև պարային ակումբ, որտեղ որ սկսում է իր հոգեվորսույթւոնը: Հավաքների ժամանակ միայն խոսում են ինքնասպանությունից, որ պետք է ինքնասպանություն գործեն, որ նոր ուղի գնան, մաքրվեն: Մեր աչքի առաջ մի կին փորձել է համակարգչի էկրանը ջարդել գլխին»:

«Ռադիոլուրը» զրուցեց  Մարի Հովհաննիսյանի հետ, ով էլ,  լսելով նման մեղադրանքի մասին, միանգամից արձագանքեց, պատժվելու է նա, ով իրեն մեղադրում է իրականությանը չհամապատասխանող երևույթի մեջ:

«Նման բան գոյություն չունի, երբևիցե չի եղել: Ես երբևիցե չեմ առնչվել աղանդավորական ընկերությունների հետ: Ես չեմ ճանաչում Սևակ Հովհաննիսյանն ով է, ինչ է ներկայացնում իրենից և ովքեր են այդ երգիչ երգչուհիները, որոնց ես հորդորում եմ գնալ նման բանի: Եվ ես խոստանում եմ, որ Սևակ Հովհաննիսյանին զրկելու եմ նման մեղադրանք իմ դեմ առանց փաստերի ներկայացնելու  համար: Ես ինքնս այնքան պահպանողական մարդ եմ, որ ես եմ նրանց հորդորում հեռու մնալ աղանդավորներից, ուր մնաց նման քայլի հորդորեմ»:

Մարի Հովհաննիսյանը պատրաստվում է դատական գործ հարուցել Սևակ Հովհաննիսյանի և առհասարակ այն մարդկան ց դեմ, ովքեր մեղադրում են իրեն այս հարցում: Դեռևս անհայտ է թե աղանդն ինչքան ժամանակ է, որ գործում է Հայաստանում, սակայն հայտնի է, որ հավաքներին արդեն մասնակցում են մոտ 40 հետևորդներ:

Ցուցադրել ավելի
Back to top button