Հասարակություն

23- ամյա անկախ Հայաստանը հաջողակ երկրների սանդղակում

Արտակ Բարսեղյան
«Ռադիոլուր»

Ի՞նչ է ստացել Հայաստանի Հանրապետությունն իր անկախության 23 տարիների ընթացքում: Ըստ գործող միջազգային մի շարք վարկանիշերի՝ 177  երկրների շարքում առկա աշխարհաքաղաքական իրավիճակում  մեր երկիրը որոշ չափանիշներով հետխորհրդային տարածքում շահեկան դիրքերում է, փաստում է սոցիոլոգ Ահարոն Ադիբեկյանը:

Մասնավորապես աշխարհի հաջողակ երկրների ցուցակում մենք զբաղեցնում ենք 104-րդ տեղը, գործունակության առումով Հայաստանը 101-րդ հորիզոնականում է, բարեկեցության առումով թեպետ մեր երկիրը 95-րդ տեղում է, այնուամենայնիվ այս ցուցանիշով Հայաստանը հետ է նախկին խորհրդային երկրներից՝  սոցիալ-տնտեսական խնդիրների և շրջափակման պայմաններում:

Ըստ հոգեբան Աննա  Բադալյանի՝ մեր երկիրն առանձնանում է իր կամային հատկանիշներով, ազգային առանձնահատկություններով: 23 տարեկան Հայաստանի Հանրապետությունը բավականին կայացած երիտասարդ պետություն է։

Հիմնական դժվարությունները պայմանավորված են տնտեսության թերի վիճակով,  ինչը անդրադառնում է թե սոցիալական վիճակի, թե գործարարության զարգացման պայմանների վրա : Ապագայի առումով հոգեբանը լավատես է։

Ցուցադրել ավելի
Back to top button