ԿարևորՔաղաքական

Արամ Առաջին. «Արցախի անվտանգությունը Հայաստանի անվտանգությունն է և հակառակը»

Ալիսա Գևորգյան
«Ռադիոլուր»

Ալ. Սպենդիարյանի անվան օպերայի և բալետի ազգային ակադեմիական թատրոնում այսօր տեղի է ունեցել ՀՀ Սփյուռքի նախարարության նախաձեռնությամբ իրականացվող Հայաստան-Սփյուռք  համահայկական 5-րդ համաժողովի բացման հանդիսավոր արարողությունը: Բացման խոսքով հանդեսէ եկել ՀՀ վարչապետ Հովիկ Աբրահամյանը, ելույթներ են ունեցել ԼՂՀ նախագահ Բակո Սահակյանը, Հայ Ավետարանական  եկեղեցիների համաշխարհային խորհրդի նախագահ  վերապատվելի Հովել  Միքայելյանը: Ներկաներին իրենց օրհնության խոսքն են հղել  Ամենայն հայոց կաթողիկոս Գարեգին երկրորդը,  Մեծի Տանն  Կիլիկիո կաթողիկոս Արամ առաջինը: 

Հայաստան-Սփյուռք և Արցախ,  համահայկական 5-րդ համաժողովը Երևանում կրկին համախմբել է հայության երեք հատվածները: «Այս եռամիասնության մեջ է մեր հաջողության միակ գրավականը: Հայոց նորագույն պատմությունը վկայում է, որ  միայն միասնական ջանքերի շնոհիվ ենք մենք ի զորու հաղթահարել համայն  հայության առջև ծառացած ներքին ու արտաքին մարտահրավերները: Մենք չունենք և չենք կարող ունենալ հատվածական շահեր: Մեր շահերը փոխկապակցված են, իսկ մեր գործղությունները պետք է լինեն համաձայնեցված և փոխլրացնող»,-Հայաստան-Սփյուռք 5 –րդ համաժողովի մասնակիցներին ուղղված իր ելույթում այսօր նշեց  վարչապետ Հովիկ Աբրահամյանը՝ անդրադառնալով այն մարտահրավերներին, որոնք այսօր կանգնած են Հայաստանի ու հայության առջև

«ԼՂ հակամարտությունը մնում է չկարգավորված: Ադրբեջանը վարում է  ռազմատենչ քաղաքականություն՝ սանձազերծելով  նավթային դոլարներով սնուցվող  սպառազինության մրցավազք: Թուրքիան,  իր  հերթին,   խիստ կողմնակալ կեցվածք է դրսևորում և արունակում է շրջափակման  մեջ պահել Հյաստանը: Վրաստանի հարաբերություները Ռուսաստանի  հետ ևս չեն նպաստում  տարածաշրջանի կայունությանը և թույլ չեն տալիս մեզ լիարժեք   կերպով օգտագործել   տրանզիտի և արտաքին  տնտեսական համագործակցության հնարավորությունները: Այս բոլոր գործոնները   ստիպում են մեզ  արտաքին քաղաքականության մեջ լինել  ճկուն և շրջահայաց»:

«Մենք իրականացնում ենք քաղաքականություն, որի նպատակն է  ապահովել հավասար պայմաններ բոլորի համար: Օտարերկրյա  ըներությունները   պետք է իրենց հարմարավետ ապահով և  ապահով զգան  Հայաստանում: Մենք տալիս ենք դրա երաշխիքը: Հայաստանի զարգացմանը, տնտեսական առաջընթացին միտված  գործնական առաջարկները աչքաթող չեն արվի: Վաղուց հասունացել է  բարեգործությունից  դեպի  փոխշահավետ գործընկերության անցնելու  ժամանակը»,-ասաց Հովիկ Աբրահամյանը: ԼՂՀ նախագահ Բակո Սահակյանն իր խոսքում  ընդգծեց, որ համայն հայության  միասնությունն ու համախմբվածությունը գոտեպնդում էր հայ զինվորին՝ շփման գծում տիրող ամենածանր օրերին:

«Այսօր վիճակը կայուն է և ինչպես միշտ վերահսկվում է մեր կողմից: Բայց դրա հետ մեկտեղ մենք ունենք բազմաթիվ այլ անելիքներ ՝ Աչցախի սոցիալ-տնտեսական վերելքն ապահովելու համար»:

«Հայ-ադրբեջանակ սահմանի վերջին լարվածությունը փաստեց, թե որքան փխրուն է մեր երկրի խաղաղությունն ու ընգծեց համախմբման անհրաժեշտությունը»,-համաժողովի մասնակիցներին ուղղված իր խոսքում ասաց  Ամենայն հայոց կաթողիկոս Գարեգին երկրորդը, ով համաժողոը կարևորեց նաև նրանով, որ գումարվել է Հայոց Ցեղասպանության  100-ամյակի նախօրյակին:  Ցեղասպանության ճանաչման գործընթացում, ըստ նրա, պետք միավորվեն հայության բոլոր ջանքերը: Հայաստանի ու սփյուռքի առջև կանգնած օրվա մարտահրավերների մասին ու դրանց հաղթահարման գործում միասնական լինելու անհրաժեշտության մասին խոսեց նաև Մեծի Տանն Կիլիկիո Կաթողիկոս Արամ առաջինը:

«Արցախի անվտանգությունը Հայաստանի անվտանգությունն է և հակառակը»,-ասաց Կիլիկիո Կաթողիկոսը: Նա տեղեկացրեց, որ Մեծի Տանն Կիլիկիո կաթողիկոսությունն այս տարի կդիմի Թուրքիայի սահմանդրական դատարան՝ Կիլիկիայի պատմական հայկական թագավորության տարածքում գտնվող Սիսի նստավայրը և կալվածքները վերադարձնելու պահանջով: Թուրքական դատարանի կողմից մերժում ստանալու դեպքում կդիեմեն նաև  Եվրոպական դատարան

 

Ցուցադրել ավելի
Back to top button