ԿարևորՔաղաքական

Ս. Օհանյան. Բանակի գործունեությունը իրականացվում է գիտելիքահեն սկզբունքի վրա

Ալիսա Գեւորգյան
«Ռադիոլուր»

Պաշտպանության նախարար Սեյրան Օհանյանի արդեն ավանդույթ դարձած հանդիպումները բուհերի ուսանողադասախոսական կազմի հետ, նախարարի մեկնաբանմամբ,  մեկ նպատակ են հետապնդում՝ հաշվետվությամբ ներկայանալ հասարակությանը, որի զավակներով է ի վերջո համալրվում հայոց բանակը: Պաշտպանության նախարարի բուհական հանդիպումների օրվա կանգառը Մխիթար Հերացու անվան պետական բժշկական համալսարանում էր: Անկախության առաջիկա տոնի առիթով  Սեյրան Օհանյանն այսօր պատվոգրերով ու մեդալներով պարգևատրել է մի խումբ համալսարանականների։

Մխիթար Հերացու անվան պետական բժշկական համալսարանում կայացած հանդիպմանը  պաշտպանության նախարար Սեյրան Օհանյանն այսօր նախ հավաստիացրեց՝ հայկական ԶՈւ- երը տեղում չեն դոփում: «2014-ին շարունակվել են բարեփոխումները առաջին հերթին սահմանային պաշտպանությունն առավել ուժեղ ու անվտանգ դարձնելու համար: Քանի դեռ մեր հարևանի հետ չունենք խաղաղության  լիարժեք պայամանգիր, պարտավոր ենք խրամատներում ունենալ անձնակազմ, որն ամեն օր իր քաջագործություններով ապացուցում է՝  ինչպես պատերազմում է քննությունը հանձնել գերազանց, այնպես էլ այսօր իր առջև դրված խնդիրն իրականացնում է գերազանց»,- նշեց նախարարը։

«Բանակի գործունեությունը մենք փորձում ենք իրականացնել գիտելիքահեն սկզբունքի հիման վրա: Փորձել ենք ապահովել բանակի թափանցիկությունը, վիճակահանության միջոցով զորակոչի գործընթացում փորձում ենք ապահովել  արդարության սկզբունքը»,- ասաց։

2014- ը, ըստ նախարարի, տարվա սկզբից իսկ առանձնացավ մեզ պարտադրված սահմանային լարվածությամբ: Սակայն զսպման մեխանիզմների միջոցով հայկական կողմին հաջողվեց թշնամուն ստիպել հրաժարվել  անիմաստ գործղություններից, որ մարդկային կորուստների պատճառ են դառնում։

Ցուցադրել ավելի
Back to top button