ԿարևորՀասարակություն

«Ապագան կանխորոշվում է կրթությամբ». Սերժ Սարգսյանը ներկա է գտնվել Գյումրիի տեխնոլոգիական կենտրոնի բացման արարողությանը (լրացված)

Ալիսա Գեւորգյան
«Ռադիոլուր»
Շիրակի մարզ-Երեւան

Հանրապետության նախագահն աշխատանքային այցով այսօր Շիրակի մարզում էր: Այցը խիստ հագեցած էր, նախագահը մասնակցել է Գյումրիի տեխնոլոգիական  կենտրոնւի բացման արարողությանը, հանդիպում ունեցել քաղաքի դպրոցների 130  ուսուցիչների հետ,  հանդիպման ժամանակ նախագահն ազդարարել է  «Կրթության գերազանցության » ազգային ծրագրի մեկնարկը: Գյումրիում Սերժ Սագրգսյանն այցելել է  նաև  վերականգնված «Գյումրի 2» ենթակայան, մասնակցել է Գյումրիի ֆուտբոլի ակադեիայի բացմանը, այցելել  «Լենտեքս» ընկերություն: Նախագահը Գյումրիից ,մեկնել է Աշոցք և Ամասիա: 

 

Շիրակի մարզ կատարած այցի շրջանակներում նախագահ Սարգսյանն այսօր նախ մասնակցեց Գյումրիի տեխնոլոգիական կենտրոնի բացման արարարողությանը:  Կենտրոնի ստեղծման ծրագիրը Գյումրին  տեխնոքաղքաի վերածելու  լայնածավալ ծրագրի մի մասն է, ծրագիր, որը միտված է հանրապետության երկրորդ քաղաքի զարգացմանը՝ վերածելով այն  ժամանակակից գիտելիքային և նորամուծական ենթակառուցվածքներով հագեցած  տեխնոլոգիական գոտու, որտեղ ներկայացված կկինեն  բարձրտեխնոլոգիաներ կիրոռող կազմակերպությունները, խոշ կրթօջախներն ու   գիտահետազոտական կենտրոնները: Գյումրիի տեխնոլոգիական կենտրոնը ստեղծվելէ  ՀՀ կառավարության,  «Ձեռնարկությունների ինկուբատոր» հիմնադրամի և  համաշխարհային բանկի համագործակցության արդյունքում:

Ներդրումների ընդհանուր ծավալը կազմում է 6 միլիոն ԱՄՆ դոլար: Կենտրոնն այս պահին ապահովում է 60 նոր աշխատատեղ: Կենտրոնի գործունեության  ծրագիրի իրականացման  գլխավոր օպերատոր է ճանաչվել «Ձեռնարկությունների ինկուբատոր» հիմնադրամը:

Գյումրիի տեխնոպարկի բացման արարողության շրջանակներում այսօր նախատեսված էր նաև Սերժ սարգսյանի հադիպումը Գյումրիի դպրոցների 130  ուսուցիչների հետ: Նախագահն իր խոսքում ընգգծեց, որ ապագան կանխորոշվում է կրթությամբ, որի հաջողությունն էլ պայմանավորված է որակյալ ուսուցչական համայնքի գոյությամբ: Այս համատեքստում էլ նախագահն այսօր Գյումրիում հայտատարեց  կրթական գերազանցության ազգային ծրագրի մեկնարկի մասին:

 

«Կրթության գերազանցության ազգային ծրագիրը առաքելություն է, իսկ այդ ծրագրի ուսուցիչները պետք է լինեն կրթության նոր մշակույթի առաքյալները»,-նշեշ նախագահ Սարգսյանը: Նրա խոսքով  Հայաստանում մեկ տասնամյակի ընթացքում ծրագիրը կհավաստագրի շուրջ 2000 միջազգային որակավորման ուսուցիչների: Նրանք կդառնան փոփոխություններ իրականացնողներ,  դպրոցներում կստեղծեն դասավանդման նորագույն մոտեցումների տարածումը խթանող ցանց: կրթական գերազանցության ազգային ծրագիրն իրականացվում է ՀՀ կրթության և գիտության նախարարության, «Այբ» կրթական հիմնադրամի, Քեմբրիջի համալսրանաի և Լոնդոնի կրթության ինստիտուտի համագործակցությամբ:

 

Գյումրիի տեխնոլոգիական կենտրոնում ուսուցիչների հետ հանդիպումից հետո նախագահ սարգսյանն այցելեց նաև «Բարձրավոլտ էլեկտրացանցեր» ընկերության  վերականգնված «Գյումրի 2» ենթակայան, մասնակցեց  Գյումրիի ֆուտբոլի ակադեմիայի բացման արարողությանը: Այցելեց «Լենտեքս» ընկերություն, որն աշխատանքներ է իրականացնում տեքստիլ արդյունաբերության նախկին ավանդույթները վերականգնելու ուղղությամբ: Նախագահի մասնակցությամբ այսօր նորամուտի մի քանի միջոցառումներ տեղի ունեցան նաև Աշոցքում և Ամասիայում: Առաջինն ունի նորակառույց դպրոց ու  հիմնանորոգված մանկապարտեզ, երկրորդը՝ ֆուտբոլի մարզադաշտ, հիմնանորոգված արվեստի դպրոց:

Ցուցադրել ավելի
Back to top button