Քաղաքական

ԱԺ քառյակը հանրահավաքի օրը որոշեց, բայց չասեց

Լուսինե Վասիլյան
«Ռադիոլուր»

Ոչ իշխանական 4 ուժերի համատեղ հանրահավաքի օրը որոշված է, բայց կհայտարարվի սեպտեմբերի 17-ին՝ քառյակի հաջորդ նիստից հետո, այսօրվա  հանդիպումից հետո ասել է «Ժառանգության» ներկայացուցիչ Ռուբեն Հակոբյանը: Նա նշել է, որ հաջորդ նիստի ընթացքում կորոշվի նաև այն օրակարգը, որով համատեղ հանրահավաքին  հանդես կգան 4 ուժերը:

Ինչ վերաբերում է իշխանություններին ներկայացված 12 կետերի կատարման ընթացքին,  ապա Ռուբեն Հակոբյանն ասել է, որ 4 ուժերի գնահատականները գրեթե համընկնում են,  բայց ի մի կբերվեն ավելի ուշ և միասնական դիրքորոշումը կներկայացվի սեպտեմբերի 30-ին: Ըստ  նրա՝  ուժի մեջ է մնում նաև համատեղ մարզային այցելությունների  որոշումը։

Իսկ հարցին, թե քառյակի առաջնորդները նույնպե՞ս կմասնակցեն հանրահավաքին, «Ժառանգություն» խմբակցության ղեկավարը հստակ պատասխան չի տվել՝ նշելով,  թե հարցը դեռ կքննարկվի։

Back to top button