Հասարակություն

Մանկական ուղեղային կաթվածը ողբերգություն չէ, ասում է «Հայ մայրեր» բարեգործական կազմակերպության նախագահը

Աիդա Ավետիսյան
«Ռադիոլուր»

«Հայ մայրեր» բարեգործական հասարակական կազմակերպությունն արդեն 2- րդ տարին զբաղվում է  մանկական ուղեղային կաթվածով հիվանդ մոտ 140 փոքրիկների և նրանց մայրերի հիմնախնդիրներով: Այս կազմակերպության շնորհիվ՝ այս երեխաներն ստանում են վերականգնողական անհրաժեշտ բուժում և կազմակերպության նպատակներից է նրանց դարձնել հասարակության լիիրավ անդամ: Այսօր արդեն «Հայ մայրեր» հկ-ն հիմնել է «Երազի տուն» ծնողների և երեխաների զարգացման ներառական կենտրոնը, որտեղ  լոգոպեդի, մանկավարժ- հոգեբանի ծառայություններից կարող են օգտվել ինչպես մանկական ուղեղային կաթվածով հիվանդ, այնպես էլ այլ խնդիրներ ունեցող երեխաները:

Հիպոթերապիա, արտթերապիա, հիդրոթերապիա. բուժումն այս  կենտրոնում լինելու է բարեգործական հիմունքներով, յուրաքանչյուր երեխայի էլ  ցուցաբերվելու է անհատական մոտեցում:

Հարկ է նշել, որ Երևանի քաղաքապետարանն  աջակցում է այս կենտրոն հաճախող միայնակ մայրերին։ Երևանի քաղաքապետարանի աջակցությամբ կենտրոնի 17 անապահով ընտանիքների երեխաներն  անվճար կստանա արտթերապիա: Սակայն այս երեխաների հանդեպ  պետական  հոգածությունից բացի  կա նաեւ բարեգործական ֆինանսավորում։

Սեպտեմբերի 8-ին «Ջամբո» համալիրում հաշմանդամություն ունեցող երեխաներին  աջակցություն ցուցաբերելու նպատակով  կազմակերպվել էր բարեգործական համերգ, իսկ  ստացված հասույթն էլ տրամադրվել է «Հայ մայրեր» հասարակական կազմակերպությանը:

Մանկական ուղեղային կաթվածը ողբերգություն չէ, այլ կյանքի փորձություն, և ժամանակին կատարված համալիր  վերականգնողական բուժման դեպքում այս փոքրիկները կարող են ապրել լիարժեք կյանքով, վստահ է «Հայ մայրեր» հասարակական կազմակերպության նախագահը Նարինե Մանուկյանը։

Ցուցադրել ավելի
Back to top button