Հասարակություն

Վրաստանը`ժողովրդագրական աղետի շեմին.ժողովրդագիր

Գիտա Էլիբեկյան
«Ռադիոլուր»-Թբիլիսի

Վրաստանը կանգնած է  ժողովրդագրական աղետի շեմին: Նման կանխատեսում են անում վրացի ժողովրդագիրները, վկայակոչելով նաև ՄԱԿ-ի տվյալները: Սակայն ոլորտի փորձագետները հուսալի վիճակ չեն տեսնում նաև Հայաստանի համար:  Ինչ քայլեր է ձեռնարկում Վրաստանը  ժողովրդագրական աղետից խուսափելու համար և ինչ խորհուրդներ է տալիս  խնդրի առջև կանգնած մյուս երկրներին: 

«Հարավային Կովկասի ժողովրդագրական պատկերը» գրքում վրացի ժողովրդագիր, Իլիա Ճավճավաձեի անվան պետական համալսարանի պրոֆեսոր Գերոգի Ցուլաձեն այսպիսի հաշվարկներ ունի.

«2050թ Հայաստանում բնակչության թիվը գրեթե կմնա նույնը, իսկ Վրաստանում կպակասի  ավելի քան 1 մլն-ով: (Համաձայն ՄԱԿ-ի տվյալների, այսօր Վրաստանի բնակչության թիվը կազմում է  4մլն. 2300):  Ի տարբերություն Հայաստանի ու Վրաստանի,  Ադրբեջանում բնակչության թիվը  կավելանա` հասնելով 11 մլն-ի»:

ժողովրդագրի  գրքում  փաստեր են ներկայացված նաև հղիության արհեստական ընդհանտման` աբորտների վերաբերյալ:

Ըստ պաշտոնական տվյալների՝ Վրաստանում տարեկան իրականացվում է 40 հազար աբորտ, իսկ ոչ պաշտոնական տվյալներով՝ 100-150 հազար:  Մասնագետները փաստում են որ աբորտները այստեղ վերջին 30 տարվա ընթացքում գրանցված ծնելիության  նվազման ամենալուրջ պատճառն են հանդիսանում:

Նման դեպքերում կառավարություններին խորհուրդ են տալիս իրականացնել ակտիվ ժողովրդագրական քաղաքականություն: Սական Ցուլաձեի խոսքով,  դա իրենց չեն կարող թույլ տալ ոչ Հայաստանը, որ Վրաստանը և ոչ էլ Ադրբեջանը. «թանկ  արժէ»:

Սակայն կան նաև այլ տարբերականեր, որոնք կարող են որոշ չափով փոխել երկրի ժողովրդագրական պատկերը: Ասում է ժողովրդագիրը` խորհուրդ տալով հետևել օրինակ վրացի պատրիարքի օրինակին.  Իլիա 2-րդը  2008-ից կնքում է   ընտանիքներում ծնված երրորդ և հաջորդ երեխաներին, սրանով խթանելով երկրում ծնելության աճը:

«Անհավատալի է, բայց փաստ, որ նման դեմոգրաֆիական իրավիճակում գտնվող երկրում այս միջոցառումը դրական արդյունք տվեց»:

Բացի այդ Վրաստանի նոր իշխանությունները եվս քայլեր են ձեռնարկում աղետի կանխման ուղղությամբ:  Ժողովրդագրական զարգացման ֆոնդը, որը հիմնվել է նախկին վարչապետ Բիձինա Իվանիշվիլիի կողմից, այժմ մշակում է ծրագրեր, թե ինչպես հաղթահարել  դեմոգրաֆիական  խնդիրները: Մշակված մի շարք օրեսդրական նախաձեռնություններ քայլ առ  քայլ կներկայացվեն խորհրդարանին:

 

Ցուցադրել ավելի
Back to top button