Հասարակություն

Աղանդներն ակտիվանում են օն- լայն տիրույթում

Ալիսա Գեւորգյան
«Ռադիոլուր»

«Ցանկացած  կրոնական կառույց Հայաստանում ազատ է գործել այնպես, ինչպես ցանկանում է: Պատճառը հստակ օրենսդրական դաշտի բացակայությունն է»,- ասում է Քայքայիչ  պաշտամունքներից  տուժածների օգնության և վերականգնողական կենտրոնի ղեկավար  Ալեքսանդր Ամարյանը: Նրան մտահոգում է նաև փաստը, որը Հայաստանում գործող կրոնական կառույցներն ավելի ու ավելի ակտիվանում են օնլայն տիրույթում։

Ամարյանի ձևակերպմամբ՝ կրոնական  կառույցների   վերաբերյալ  մեզանում տեղեկատվական վակուում կա: ԶԼՄ-ներին կոչ է անում այս դաշտում լինել ավելի ակտիվ՝ տվյալ կառույցների գործունեությունը հանրության համար առավել պարզ  ու թափանցիկ դարձնելու համար։

Կրոնական կառույցների ներքին խոհանոցին ծանոթանալու և  դրանք  մասսնագիտորեն ուսումնասիրելու համար Ալեքսանդր Ամարյանն առաջարկում է, որպեսզի ԵՊՀ աստվածաբանության ֆակուլտետը պատրաստի նաև աղանդագետներ: Իրավապահ, հարկային, բազմաթիվ այլ մարմիններում ևս, ըստ նրա, պետք է աշխատեն կրոնագետ-աղանդագետներ: Օնլայն տիրույթում կրոնական կառույցների դեմ  պայքարելու համար կենտրոնի ղեկավարն առաջարում է կիրառել  միջազգային փորձը։

 

Ցուցադրել ավելի
Back to top button