Մշակույթ

Շակիրայի «Լոքան» դատարանը գրագողություն է համարել

Կոլումբիացի հայտնի երգչուհի Շակիրայի «Լոքա» երգը Նյու Յորքի դատարանը ճանաչել է հեղինակային իրավունքի խախտման եւ մասնակի գրագողության արդյունք, հայտնում է Բի Բի Սի- ն։

Դատարանը նշել է, որ այս կոմպոզիցիայի համար հիմք է 2007 թ. դոմինիկուհի «Էլ Կատե» կեղծանվամբ երգչուհի Էդուարդա Էդվինա Բելո Պոուի երգը, որն էլ իր հերթին վերցրել է մեկ այն դոմինիկացուց՝ Ռոմանա Արիասա Վասկեսից։ Վասկեսն իր Loca Con Su Tiguere երգը գրել է 1990- ականների սկզբին։

«Կասկածի ենթակա չէ, որ Շակիրայի երգի հիմքում Բելոյի տարբերակն է։ Ուստի, եթե Բելոն կրկնօրինակել է Արիասին, գտնում եմ, որ ով էլ լինի Շակիրայի երգի տարբերակի հեղինակը, նա ոչ ուղղակի կրկնօրինակել է Արիասից»,- ասված է դատավորի որոշման մեջ։ Դատարանը դեռ պետք է որոշի փոխհատուցման հարցը։

Շակիրայի «Լոքան» 2010 թ. Լատինական Ամերիկայի երկրներում հիթ- շքերթի առաջին հորիզոնականում էր եւ վաճառվել էր մի քանի միլիոն օրինակով։ Այս երգը Շակիրայի մոտ անգլերեն եւ իսպաներեն տարբերակով կա։ Դատարան հայց էր ներկայացվել միայն իսպանական տարբերակի դեմ։

Back to top button