Հասարակություն

Գյուղնախարարը Շիրակում բերքի սպասվող արդյունքից դժգոհ չէ

Աննա Մարտիկյան
«Ռադիոլուր»- Շիրակի մարզ

Աշխատանքային այցով Շիրակի մարզ ժամանած գյուղնախարարին այս անգամ սպասում  էին Հայաստանի հյուսիսային դարպասում, Ամասիայի տարածաշրջանի գյուղերում: Սերգո Կարապետյանը Աղվորիկ, Ալվար, Արդենիս գյուղերում ծանոթացավ գարու, աշորայի ցանքատարածքներին ու խոտի կուտակման աշխատանքներին:

Այս տարի Շիրակի մարզում մինչ օրս կարկտահարվել է 13150 հա ցանքատարածք, որից 12 000-ը հացահատիկի դաշտեր են, բայց գյուղնախարարը բերքի սպասվելիք արդյունքից ընդհանուր առմամբ դժգոհ չէ, իսկ կարկուտից տուժած գյուղացիական տնտեսությունների համար կառավարությունն անհատական մոտեցում կցուցաբերի, վստահեցրեց նախարարը:

Գյուղատնտեսության նախարարի հաջորդ կանգառը Շիրակի մարզի ամենահեռավոր գյուղում՝  Ծաղկուտում էր, գյուղացիների տրամադրությունն էլ տոնական: Ծաղկուտում Համաշխարային բանկի ֆինանսավորմամբ արոտավայրերի ջրարբիացման ծրագրով կկառուցվի 4  խմոց:

Սերգո Կարապետյանի աշխատանքային այցի վերջին կանգառը Ախուրյանի տարածաշրջանի Կառնուտ գյուղի կարտոֆիլի ցանքատարածքներում էր: Շիրակում կարտոֆիլ արտադրողները սերմը տեղում են վաճառում, իսկ պարենային կարտոֆիլի իրացման համար ուղիներ փնտրում: Գյուղնախարարն էլ խոստացավ, բերքի արտահանման հարցում գյուղմթերք արտադրողը խնդիրներ չի ունենա:

Ցուցադրել ավելի
Back to top button