Միջազգային

Իրաքի նախագահը նշանակում է վարչապետ՝ հակառակ դատարանի որոշման

Իրաքի նախագահ Ֆուադ Մասումը հանձնարարել է խորհրդարանի փոխնախագահ Հեյդար Աբադին ձեւավորել նոր կառավարությունը, հայտնում են երկրի իշխանության ներկայացուցիչները։

Ըստ Բի Բի Սի- ի՝ նախագահ Մասումը նման որոշում  է ընդունել հակառակ Գերագույն դատարանի, որը վճռել էր, որ կառավարությունը ձեւավորելու իրավունք ունի գործող վարչապետ Նուրի Մալիքին (մանրամասները՝ այստեղ

Աբադիի թեկնածությունն առաջադրել է երկրի շիական կուսակցությունների միավորող Իրաքի ազգային միությունը։

Իրաքում քաղաքական նման մանեւրները տեղի են ունենում երկրի հյուսիսում «Իսլամական պետություն» խմբավորման հարձակման համատեքստում։

Ի դեպ՝  Աբադիի նշանակումը ողջունել են արեւմտյան մի շարք երկրներ, իսկ ԱՄՆ փոխնախագահ Ջոզեֆ Բայդենն անձամբ է նրան շնորհավորել հեռախոսազրույցի ընթացքում։

Ցուցադրել ավելի
Back to top button