Միջազգային

Հայտնի է դարձել Մոսկվայի մետրոյի վթարի գործով առաջին կասկածյալի ինքնությունը

Հայտնի է դարձել  Մոսկվայի մետրոյի վթարի գործով առաջին կասկածյալի ինքնությունը։ Ըստ քննության՝ Ճանապարհային ծառայության երրորդ  դիստանցիայի ճանապարհային վարպետի օգնականը պետք է վերանորոգումից հետո ստուգեր  երկաթգծերին սլաքնային մեխանիզմի տեղադրման ճշգրտությունը։  Սակայն նա չէր կատարել իր պարտականությունը։

Ոստիկանությունը ենթադրում է, որ բազմատոննանոց գնացքների երթեւեկության հետեւանքով առաջացած ցնցումների պատճառով վատ  տեղադրված սլաքը շեղվել է իր նախնական դիրքից եւ գնացքը շարժվել  է դեպի թունելի պատը։ Հիշեցնենք, որ հուլիսի 15-ին Մոսկվայի մետրոպոլիտենի Արբատ-Պոկրովսկ գծի  «Սլավոնական բուլվար» եւ «Պարկ պոբեդի» կայարանների միջեւ առավոտյան «պիկ ժամին» երկաթգծերից դուրս են եկել գնացքի երեք վագոնները։

Մետրոյի վթարի հետեւանքով զոհերի եւ տուժածների ընդհանուր թիվը 162  է, որոնցից 22-ը զոհվել են։ Ներկայումս հիվանդանոցներում   129 տուժած կա, երկու հայուհի վերակենդանացման բաժանմունքում են։

Back to top button