Լուսինե Վասիլյան
«Ռադիոլուր»
Կառավարության ծրագիրը 70 կողմ ձայնով հավանության արժանացնելը խորհրդարանական ոչ իշխանական ուժերը հաջողությյան ցուցանիշ չեն համարում, կարծում են, որ քաղաքական մեծամասնությունը դժվարությամբ կարողացավ ապահովել կարևորագույն փաստաթղթի ընդունումը: Հանրապետական կուսակցությունում այդ կարծիքին չեն և նշում են խմբակցության կազմակերպված ու համախմբված վարքագիծը: Խորհրդարանական ուժերն այսօր ամփոփել են երկուշաբթի մեկնարկած քառօրյայի արդյունքները, որի առանցքում կառավարության ծրագրին հավանություն տալու հարցն էր: Չեն շրջանցվել նաև երեկ քվեարկությանն ուղեկցած միջադեպերը:
Կուսակցությունից դուրս գալու մասին Կարեն Բոթոյանի դիմումը 18-րդն է, որ ՕԵԿ-ն ստանում է իր անդամներից կոալիցիայի շարքերը լքելուց հետո: Խմբակցության ղեկավար Հեղինե Բիշարյանը երևույթը տարօրինակ կամ անսպասելի չի համարում։ «Բնականաբար՝ ցանկացած կուսակցություն, որը հայտարարում է, որ ընդդիմություն է դառնում, կլինեն մարդիկ, ովքեր այդ գիծը չեն պահպանի»։
ՕԵԿ-ը որոշել էր չմասնակցել կառավարության ծրագրի քվեարկությանը, խմբակցության գործարար պատգամավոր Կարեն Բոթոյանը քվեարկությունից առաջ իր կուսակիցներին հայտնել է, որ այլ դիրքորոշում ունի և պատրաստվում է ոչ միայն կողմ քվեարկել փաստաթղթին, այլ նաև դուրս գալ խմբակցությունից ու կուսակացությունից: ՕԵԿ-ն իր հերթին հակադարձ որոշումն է կայացրել՝ հեռացնել Բոթոյանին կուսնկացությունից: Գործարար պատգամավորի՝ այլ դիրքորոշում ունենալու պատճառները, ըստ ՕԵԿ-ական Իշխան Խաչատրյանի, ճնշումներն են։ «Բոթոյանը ներկայացրել է իր դիրքորոշումը, որ իր վրա կառավարության ներկայացուցիչների կողմից ճնշումներ կան, և ինքը պետք է կողմ քվեարկի»։
Հեղինե Բիշարյանի եզրակացությունը մեկն է՝ գործարար շրջանակի ներկայացուցիչները ընդդիմադիր թիմի անդամ չեն կարող լինել: Պնդումը հերքում են ԲՀԿ անդամները: Այս խմբակցությունը նույնպես չմասնակցեց կառավարության ծրագրի քվեարկությունը, իսկ գործարար պատգամավորների պակաս կարծես թե չունի: Ճնշումներ, սակայն, խմբակցությունը չի զգացել: Համենայն դեպս՝ Միքայել Մելքումյանի պատասխանը միաշանակ էր. «Իհարկե ոչ, բացարձակ»։ Խմբակցության պատգամավորներից Վահան Բաբայանը լրացնում է պատասխանը. «ԲՀԿ-ի հետ որևէ մեկը թելադրանքի, ճնշումների կամ այլ լեզվով ոչ խոսել է, ոչ էլ կարող է խոսել»։
Արդյո՞ք ճնշումների մասին ՕԵԿ-ի պնդումները իրական հիմք ունեն, լրագրողները հարցի պատասխանը փորձեցին ստանալ հենց քաղաքական մեծամասնության ներկայացուցչից՝ Հանրապետական խմբակցության ղեկավարից: Վահրամ Բաղդասարյանի համար հարցն անսպասելի չէր: «Չէի էլ կասկածում, որ նման ենթադրություններ կարող են լինել: Ես մամուլի հրապարակումներից հետո նայել եմ այդ պատգամավորի նախորդ քվեարկությունները. միշտ չէ, որ դրանք համահույնչ են եղել: Այսինքն՝ մոտեցումների տարբերությունն ու դուրս գալու մտադրություն եղել է, պարզապես ինքն այս պահն է ընտրել: Մնացածն իրենց խմբակցության խնդիրն է»։
Ինչ վերաբերում է կառավարության ծրագրին, ապա նոր ասելիք խմբակցությունները չունեին. բոլոր դիրքորոշումները վերջին 3 օրերի ընթացքում հնչել էին նսիտերի դահլիճում: Այսօր որոշ ամփոփումներ արվեցին: Ամենաառանցքային փաստաթղթերից մեկը՝ կառավարության գործունեության ծրագիրը 70 կողմ ձայնով հավանության արժանացնելը ոչ իշխանական ուժերը հաջողություն կամ հաղթանակ չեն համարում:
ՀԱԿ-ից Լևոն Զուրաբյանը սա ընդհանրապես տապալում է համարում և կարծում է, որ Հանրապետականը մեծամասնությունը կորցնելու եզրին է, «Ժառանգությունից» Ռուբիկ Հակոբյանին իրավիճակը հուշում է, որ նոր կառավարության հրաժարականը հեռու չէ: ՀՅԴ-ից Արմեն Ռուստամյանն էլ պարզապես արձանագրում է. խորհրդարանական մեծամասնության դիրքերը փխրուն են ու անընդհատ զգոնություն են պահանջում։ «Ցանկացած պատգամավորի բացակայություն կարող է ազդեցություն ունենալ: Այս քվերակությունը դա ցույց տվեց: Եթե ամենակարևոր հարցի քվերակությունը այդքան դժվար տրվեց, սա նշանակում է, որ հետագայում այդ պրոբլեմներն ավելի զգալի են դրսևորվելու»,- ասաց։
Քվեարկությունը դժվարությամբ ապահովելու պնդումը զարմացնում է Հանրապետական խմբակցության ղեկավարին: «Զարմանալի է, որ նման տիպի քննադատություն է ներկայացվում: Քառօրյայից առաջ մենք արտահերթ ենք ունեցել, Հանրապետականը շատ կազմակերպված ու համբերատար մասնակցել է: Այս դեպքում էլ նախապես հայտարավել էր, որ 17.30 –ին քվերակություն է լիենլու և պատգամավորներին զագել-կանչելու կարիք չկար»։
Կառավարության ծրագիրը դժվարությամբ ընդունելու մասին ոչ իշխանականների փաստարկներից մեկն էլ տեսախցիկների արձանագրած կադրերն են՝ բացակա գործընկերների փոխարեն քվերակելու դեպքերի մասին: Վահրամ Բաղդասրյանն ասաց, որ անձամբ այդ կադրերը չի տեսել, համոզվելու դեպքում՝ պատգամավորների արարքը կդատապարտվի։
