Ալիսա Գեւորգյան
«Ռադիոլուր»
Ղրիմը Ռուսաստանին միանալու համաձայնագիրն տորագրելուց հետո արևմտյան երկրները շարունաում են խստացնել Ռուսաստանի դեմ կիրառվող պատժամիջոցները: Միացյալ Նահանգները վաղուց դադարեցրել է ներդրումների ու առևտրի հարցերով բանակցությունները: Եվրոպական երկրները շարունակում են քննարկել պատժամիջոցների խստացման խնդիրը: Արդյո՞ք այս ամենից կարող է անմասն մնալ Հայաստանը: «Իհարկե՝ ոչ, եթե հաշվի առնենք, որ Ռուսաստանը Հայաստանի ամենախոշոր առևտրատնտեսական գործընկերներից է»,- ասում են մասնագետները։ Օրինակ՝ 2013-ին մեր երկրի արտաքին առևտրի 24.1 տոկոսն իրականացվել է հենց այս երկրի հետ։
«Խոշոր բիզնեսի, ներդրումների առումով Ռուսատանում արդեն կա անհանգստություն: Ռուսական բիզնեսի մուտքը դեպի արևմտյան երկրներ սահմանափակվում է: Այս պայմաններում չի բացառվում, որ ներդրումների որոշակի հոսք կարող է ուղղվել դեպի Հայաստան»,- ասում է Հայաստանի գործատուների հանրապետական միության նախագահ Գագիկ Մակարյանը՝ գնահատելով պատժամիջոցների հետեւանքները մեր երկրի վրա։
«Հետաքրքիր ներդրումային առաջարկներ ներկայացնելու և գրավիչ բիզնես միջավայր ստեղծելու դեպքում Հայաստանը կարող է օգտվել իրավիճակից: Ռուսական կապիտալը մեր երկրում կարող է ուժեղանալ և ուժեղանալ հատկապես մասնավոր հատվածում»,- ասում է Մակարյանը։
Ստեղծաված իրավիճակում Ռուսաստանին կարող է հետաքրքրել Հայաստանի միջոցով Իրանի հետ առեւտուրը զարգացնելու հեռանկարը։ Տարածաշրջանում իր ազդեցությունը մեծացնելու առոմով, ըստ Մակարյանի, Ռուսաստանի համար սա բավականին գայթակղիչ գաղափար է: Գործատուների միության նախագահը սա դիտարկում է որպես Ռուսաստանի դեմ կիրառվող միջազգային պատժամիջոցները հնարավոր դրական հետևանք:
Իսկ այժմ Հայաստանի տնտեսության վրա դրանց բացասական հետևանքների մասին։ Ռուսաստանի դեմ կիրառվող պատժամիջոցները կնպաստեն այս երկրի տնտեսական անկմանը, կկրճատվեն ներդրումները, կնվազեն արտասահմանյան ծրագրերը, արտաքին առևտուրը: Կաճի գործազրկության մակարդակը, որի արդյունքում կտուժեն Ռուսաստանում ապրող և աշխատող հայ միգրանտները, քանի որ, ըստ Մակարյանի, այս երկիրն առաջիին հերթին կփորձի «քորել սեփական գլուխը» և լուծել իր քաղաքացիների խնդիրները: Դրամական փոխանցումները Ռուսաստանից Հայաստան, բնակնաբար, էականորեն կնվազեն։
