Աիդա Ավետիսյան
«Ռադիոլուր»
«Եվրատեսիլ 2014»- ում Հայաստանը ներկայացնող հեռուստատեսային հաղորդումներից մեզ արդեն քաջածանոթ Արամ MP3- ը երկու օր առաջ է վերադարձել պրոմո-արշավից, որի շրջանակներում համերգներ է ունեցել ռուսաստանյան քաղաքներում և եվրոպական մի շարք երկրներում։ Անակնկալներով, հետաքրքիր փորձություններով լեցուն շրջագայությունից Արամը վերադարձել է բարձր տրամադրությամբ և դրական լիցքերով։ Այժմ էլ պատրաստվում է միջազգային մրցույթին։
Պրոմո-արշավի ընթացքում հայաստանյան պատվիրակությունը եղել է նաև Գերմանիայի Արմելո քաղաքում: Հ այ համայնքի հետ հանդիպման ընթացքում Արամը նկարահանվել է Հայոց ցեղասպանությանը նվիրված գերմանացի երիտասարդների կողմից նկարահանվող ռեպ տեսահոլովակում։
Հայաստանյան պատվիրակությունն առաջիններից է, ով վաղը մեկնելու է Կոպենհագեն, որտեղ էլ տեղի կունենա Արամի առաջին փորձը: Մեր ներկայացուցիչը ելույթ կունենա մրցույթի առաջին կիսաեզրափակիչ փուլում՝ մայիսի 6- ին, առաջին համարի տակ:
Լուսային էֆեկտներով, գրաֆիկական լուծումներով մեծ բեմում Արամ MP3 հանդես է գալու մենակ: Որոշումը կազմակերպիչներինն է՝ երգը այդպես ավելի հնչեղ և տպավորիչ կլինի, ասում են։
Հոգուց բխած՝ ի վերուստ տրված երգ. այսպես է բնորոշվում ԱրամMIP3-ի «NOT alone»- ը: Երգն լավագույն հնգյակում հայտնվելու բոլոր հնարավորություններն ունի, ասում է հայաստանյան պատվիրակության ղեկավար Գոհար Գասպարյանը և ավելացնում, որ ամեն ինչ անելու են «Եվրատեսիլը» հաջորդ տարի Հայաստան բերելու համար:
