Քաղաքական հարցերով ԱՄՆ պետքարտուղարի օգնական Ուենդի Շերմանը իրանյան խնդրի վերաբերյալ «վեցյակի» ձևաչափով բանակցություններում կղեկավարի ամերիկյան պատվիրակությունը: Այս մասին հաղորդվում է ԱՄՆ պետդեպարտամենտի տարածած հաղորդագրության մեջ: «Վեցյակի» և Իրանի բանակցությունների հերթական փուլը Վիեննայում կկայանա այսօր:
«Բանակցություններում մեծ ուշադրություն կհատկացվի Իրանի միջուկային ծրագրի հարցի բազմակողմանի լուծմանը»,- ասվում է ամերիկյան արտաքին քաղաքականության գերատեսչության հայտարարությունում:
