Հասարակություն

Վլադիմիր Շկոլնիկով.Վրաստանում մեծ աշխատանք կա մարդու իրավունքների ոլորտում տիրող իրավիճակը բարելավելու ուղղությամբ

Գիտա Էլիբեկյան
«Ռադիոլուր»
Թբիլիսի

ՄԱԿ հույս ունի, որ Վրաստանի նոր իշխանությունները առավել մեծ ուշադրություն կդարձնեն երկրում մարդու իրավունքներին ու ազգային փոքրամասնություններին առընչվող խնդիրներին: ՄԱԿ-ի Մարդու իրավունքների հարցերով գերագույն հանձնակատարի գրասենյակի ավագ խորհրդական Վլադիմիր Շկոլնիկովը Վիրահայոց թեմին կից գործող «Հայարտուն» կենտրոնում խոսել է Վրաստանում մարդու իրավունքների ոլորտում տիրող իրավիճակի մասին:

Վրաստանում դեռևս մեծ աշխատանք կա մարդու իրավունքների ոլորտում տիրող իրավիճակը բարելավելու ուղղությամբ: Լինելով բազմազգ երկիր, Վրաստանն ունի բազմաթիվ չլուծված հարցեր, որոնք առընչվում են հենց ազգային փոքրամասնություններին:
ՄԱԿ-ի Մարդու իրավունքների հարցերով գերագույն հանձնակատարի գրասենյակի ավագ խորհրդական Վլադիմիր Շկոլնիկովը առանձնացնում է հատկապես փոքրամասնությունների կրթության իրավունքի, մայրենի լեզվի օգտագործման, ինչպես նաև վրացերենին տիրապետելու մասին հարցերը:

«Ակնհայտ է, որ ազգային փոքրամասնությունների դպրոցների թիվը վերջին տարիներին կտրուկ պակասել է. մենք հույս ունենք որ նմանատիպ երևույթներին երկրի կառավարությունը ուշադրություն կդարձնի և մոտ ապագայում հնարավոր է տեսնենք գործուն քայլեր այդ ուղղությամբ»:

ՄԱԿ-ի Մարդու իրավունքների հարցերով գերագույն հանձնակատարի գրասենյակի ավագ խորհրդականը գտնում է, որ Վրաստանի ազգային փոքրամասնություններին վերաբերող հարցերի լուծման նպատակով առավել ակտիվ պետք է համագործակցեն համյանքներն ու կառավարությունը: Սակայն, իհարկե, ըստ նրա պաստասխանատվությունն ընկած է կառավարության վրա:

«Մենք անաչառ ուսումնասիրում ենք, թե ինչ խնդիրներ ունեն երկրում ապրող հայերը, ադրբերջանցիները և մյուս փոքրմասնությունները և դրանց մասին հանձնարարականներ ենք թողնում երկրի իշխանություններին»,-ասում է Վ. Շկոլիկնովը, հավելելով որ Վրաստանի նոր իշխանությունները մեծ կամք են դրսևորում դրանց հետևելու ու իրագործելու գործում:
«Ի տարբերություն նախկին իշխանությունների, ներկայիս իշխանությունները մարդու իրավուքնները, այդ թվում փոքրամասնությունների իրավունքները առաջնահերթություն են համարում»:

Ցուցադրել ավելի
Back to top button