Հասարակություն

Ինչու են տուգանվում անգամ նրանք, ովքեր տասնյակ տարիներ առաջ են վաճառել իրենց ավտոմեքենաները

Սոնա Հակոբյան
«Ռադիոլուր»

«Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» ՀՀ օրենքում եւ Վարչական իրավախախտումների վերաբերյալ ՀՀ օրենսգրքում կատարված փոփոխությունների համաձայն հունվարի 1-ից տուգանվում են բոլոր այն վարորդները, ովքեր մեքենաները չեն ապահովագրել: Ավտովարորդների պաշտպանության լիգային և վարորդներին, սակայն, դա չէ, որ անհանգստացնում է:

Տուգանքը տարածվում է անգամ այն մեքենաների վրա, որոնք վաղուց արդեն գոյություն չունեն, բայց դեռևս գրանցված են քաղաքացու վրա, հայտնեց Ավտովարորդների պաշտպանության լիգայի նախագահ Տիգրան Հովհաննիսյանը:

Նման փաստի առաջ է կանգնել նաև ավտովարորդ Սարգիս Մաճկալյանը: Նա էլ 95 թվականին վաճառված “05” մակնիշի ավտոմեքենայի համար է տուգանվում: Վարորդները դիմում են վարչապետին, խնդրելով լուծել այս խնդիրը, քանի որ ճանապարհային ոստիկանությունը իրեն ազատել է գլխացավանքից և չի էլ փորձում օգնել այս քաղաքացիներին:

Դե իսկ տուգանքի չափն այժմ 5000 դրամ է, որը չմուծելու դեպքում 3 ամսվա ընթացքում կարող է հասնել 100.000-ի:

Ցուցադրել ավելի
Back to top button