Մշակույթ

Հայկական ու ավստրիական երաժշտությունները տխրություն ունեն իրենց մեջ . Երեւանում կրկին «Քրիստոֆ Չեխ» ջազ- տրիոն է

 Աիդա Ավետիսյան
«Ռադիոլուր»

Ավստրիական «Քրիստոֆ Չեխ» ջազ- տրիոն կրկին Երևանում է:  Անցյալ տարի  տրիոն Երևանը 2012 թ-ի Գրքի համաշխարհային մայրաքաղաք հռչակելու շրջանակներում Երևանում ներկայացրել է Սայաթ –Նովայի ստեղծագործությունների մշակումները՝ նվիրված մեծ աշուղի 300- ամյակին։ Անցյալ տարի Հայաստան այցից հետո այս տարի ևս ավստրիացի երաժիշտների մոտ ցանկություն առաջացավ ևս մեկ անգամ լինել Երևանում, քանի որ տպավորված են   Հայաստանով և կարծում են, որ մեր  երկիրը մշակութային է և մշակույթով  շատ  հետաքրքրված։ «Հայաստանում մշակույթ կա, և կարծում եմ, որ ես  երաժշտության այս ոլորտում այստեղ հայրենիք ունեմ: Հայկական ու ավստրիական երաժշտությունները մի տեսակ տխրություն ունեն իրենց մեջ և դա ընտանեկան զգացողություններ է առաջացնում»։

Այցի նպատակն է  ավելի սերտ հարաբերություններ ստեղծել հայկական և ավստրիական ջազի երաժիշտների  միջև, նշեց կոմպոզիտոր Քրիստոֆ Չեխը:  Այսօրվա համերգն  այդ հնարավորությունն ընձեռելու է: Հայ ջազմենների մասին նրանք տեղեկություններ չունեն, սակայն ցանկությունը մեծ է ճանաչել վերջիններիս՝ չնայած որ  ունեն  ծագումով հայ ջազմեն ընկերներ։ «Նյու Յորքում նվագել եմ  ավանգարդ ֆոլկ ոճում ստեղծագործող  Արտո Թունջբոյաջյանի հետ: Մեզ մոտ էլ` Ավստրիայում,  լավ եմ ճանաչում հայ  ջազմեն, դաշնակահար Կարեն  Ասատրյանին»,- ասում է Պետեր Հաբեթին։

Նախապատրաստված հատուկ ծրագրով  տրիոն եկել է Երևան, սակայն չի բացառում, որ համերգի ընթացքում լինեն նոր մտահաղացումներ հայ երիտասարդ ջազմենների մասնակցությամբ: Անցյալ տարի տրիոն իր ծրագրում ընդգրկել էր Սայաթ Նովայի ստեղծագործությունների մշակումները և, կոպոզիտոր Չեխի խոսքով, իրենք պետք է արմատներ գտնեն արևելյան երկրների մեջ  և ներկայացնեն նրանց  երաժշտական ավանդույթները։

Ցուցադրել ավելի
Կարդացեք նաև
Close
Back to top button