ԿարևորՔաղաքական

Ջ. Ապատուրայ. ՆԱՏՕ-ն բաց դռների քաղաքականության շրջանակներում պատրաստ է օգնել Հայաստանին

Աննա Նազարյան
«Ռադիոլուր»

Հայաստանի նախագահ Սերժ Սարգսյանի հետ հանդիպումից հետո Հարավային Կովկասում եւ Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապատուրայը իր համար հստակեցրել է, որ Հայաստանը պատրաստ է քաղաքական և կիրառական  գործընկերությունը խորացնել ՆԱՏՕ-ի հետ: Թեև Հայաստանը ՀԱՊԿ անդամ երկիր է և որոշում է կայացրել անդամակցել Մաքսային միությանը, սակայն դա չի խանգարի խորացնել համագործակցությունը ՆԱՏՕ-ի հետ, ինչի մասին վստահեցրել է հանրապետության նախագահը և Հյուսիսատլանտյան դաշինքը կշարունակեի առավել խորը համագործակցությունը։

Հայաստանը ՌԴ ռազմավարական գործընկերն է և դա որևէ մեկը չի վիճարկում, դա Հայաստանի ինքնիշխան որոշումն է, ասաց Ապատուրայը: Հայաստանը փորձում է հավասարակշռված քաղաքականություն վարել  և ՆԱՏՕ-ն բաց դռների քաղաքականության շրջանակներում պատրաստ է օգնել Հայաստանին, սակայն դա չպետք է շփոթել ՆԱՏՕ-ին անդամակցելու հարցի հետ։ Հյուսիսատլանտյան դաշինքը երբևէ նպատակ չի ունեցել ընդլայնվել դեպի հետխորհրդային տարածք, պարզաբանեց դաշինքի ներկայացուցիչը։ «Մենք վարում ենք և…և -ի քաղաքականույուն, ոչ թե կամ… կամ: Մեր դռները բաց են եվրոպական այն երկրների համար, որոնք պատրաստ են անդամակցել ՆԱՏՕ-ին»,- ասաց։:

Հանրապետության նախագահը Ջեյմս Ապատուրայի հետ հանդիպման ժամանակ հստակեցրել է, որ Հայաստանը պատրաստ է ՆԱՏՕ-ի հետ գործընկերության շրջանակներում շարունակել միջազգայի խաղաղապահ առաքելությունը:

ՆԱՏՕ-ն որևէ դերակատարություն չունի ղարաբաղյան խնդրի կարգավորման գործընթացում, սակայն, Ապատուրայի խոսքով, իրենք ՄԽ շրջանակներում  աջակցում  են խնդիր կարգավորմանը: Նրա համոզմամբ՝ ղարաբաղյան խնդիրը ռազմական լուծում չունի։ Ղարաբաղյան խնդրի խաղաղ կարգավորումից քաղաքական ու տնտեսական օգուտներ կքաղեն տարածաշրջանի բոլոր երկրները, կարծիք հայտնեց Ապատուրայը՝ նաև հույս հայտնելով, որ խնդրի խաղաղ կարգավորումը թերևս հնարավոր կլինի գտնել ՄԽ-ի աջակցությամբ որքան հնարավոր է շուտ։

Ցուցադրել ավելի
Կարդացեք նաև
Close
Back to top button