Կակրուտից տուժած 475 տնտեսություն է օգտվել զբաղվածության խթանման ծրագրից

Սաթիկ Իսահակյան
«Ռադիոլուր»- Արմավիր

Արմավիրի մարզում կարկտահարությունից հետո գյուղացիական տնտեսությունների կրած վնասները մեղմելու և վերականգնելու նպատակով  կառավարությունը պահուստային ֆոնդից  174 մլն 125 հազար դրամ է հատկացրել զբաղվածության  խթանման ծրագրի միջոցով  գյուղացիներին աջակցելու համար։

Արմավիրի մարզից այդ ծրագրի շահառուներն առաջնահերթությամբ սոցիալապես անապահով նպաստառու   ընտանիքիներն էին, այնուհետ կարկտահարությունից զգալի վնաս կրած տնտեսությունները:  Ծրագիրն իրականացվել է 22 համայնքի 475 գյուղացիական տնտեսություններում:  Աշատանքի  արդյունքներով հետաքրքրված՝ այսօր Արմավիրի մարզի  շահառուներին է հանդիպել աշխատանքի և սոցիալական հարցերի նախարար Արտեմ Ասատրյանը։