Կրծքագեղծի քաղցկեղը մահավճիռ չէ, կրկին հիշեցնում են մասնագետները՝ խորհուրդ տալով հետազոտվել

Աիդա Ավետիսյան
«Ռադիոլուր»

Այսօր ամբողջ աշխարհը նշվում է կրծքագեղձի քաղցկեղի դեմ պայքարի օրը: Կրծքի քաղցկեղը մահացու դատավճիռ չէ և այժմյան բժշկությունը  կարողանում է հասնել լավ արդյունքների, այսօր իրենց հասած ձեռքբերումներից լրագրողների հետ են կիսվել  Հայ- ամերիկյան առողջության կենտորնի բժիշկները: Հոկտեմբերի 15-ից 30-ը   կենտրոնը սահմանել է զեղչային ճկուն համակարգ մամոգրաֆիկ հետազոտություն անցնելու համար։ Ակցիային մասնալկցելու համար նախօրոք պետք է հերթագրվել: Նախաձեռնության նպատակն է աջակցել կանանց՝ վաղ ախտորոշել կամ կանխարգելել կրծքագեղձի քաղցկեղը: Կենտրոնն ունի նաև անվճար բուժսպասարկում, որից կարող են օգտվել  բազմազավակ մայրերը,  հաշմանդամները,  պատերազմի մասնակիցներն ու  զոհված ազատամարտիկի ընտանիքի անդամները։

Կրծքագեղձի քաղցկեղի վաղ ախտորոշումը կանխում է հետագա բարդությունները, հայտարարում են մասնագտները: Ուստիև խորհուրդ են տալիս հատկապես  կանանց տարին մեկ անգամ այցելել բժշկի և անցնել ընդհանուր հետազոտություն` անկախ այն հանգամանքից, թե կինն ինքն զգում է դրա անհարժեշտությունը, թե՝ ոչ։ «Մեզ համար ընդունելի է հիվանդությունը հայտնաբերել նախաքաղցկեղային  փուլում, որը շատ ավելի մեծ արդյունավետություն է տալիս, և բժիշկները հնարավորություն են ունենում  օգնելու մարդկանց, այս փուլում հայտնաբերված հիվանդությունները շատ ավելի հեշտությամբ, քիչ ծախսերով հաղթահարելու համար»,- ասում է Հայ-ամերիկյան  առողջության կենտրոնի տնօրեն Խաչանուշ Հակոբյանը։

Գենետիկ ծանրաբեռնվածության դեպքում մասնագետների խորհուրդն է  35 տարին լրանալուն պես ամեն տարի անցնել պրոֆիլակտիկ հետազոտություն: Հայ-ամերիկյան  առողջության կենտրոնը  թվային մամոգրաֆիայի համալիր հատազոտություն իրականացնող առաջին կենտրոնն է Հայաստանում: Խաչանուշ Հակոբյանի խոսքով` գրեթ անհնար է այս եղանակով հետազոտության սխալ ախտորոշումը։

Ամեն տարի այս կենտրոնում հետազոտվում է շուրջ 30 հազար կին: Կենտրոնն արդեն ունի իր վիրահատարանը, որտեղ 5 ամիսների ընթացքում վիրահատվել է 130 հոգի: Սակայն բուժման այս եղանակին բժիշկները դիմում են ծայրահեղ վիճակում, երբ արդեն բուժումն անօգուտ է։

Այս հիվանդությամբ տառապում են  ոչ միայն կանայք, այլ նաև  տղամարդիկ: Կենտրոնի գործունեության 16 տաիների ընթացքում հետազոտվել է 816 տղամարդ, որի արդյունքում  հայտնաբերվել է 31 քաղցկեղի դեպք: Հիվանդությունը երիտասարադացող է, ինչի մասին փաստում են  թվերը: Կենտրոնում մինչեւ 29 տարեկան 80 այցելուի  մոտ հայտնաբերվել է քաղցկեղ։