Քաղաքական

Ղարաբաղյան շարժում. 25 տարի անց՝ մասնակիցների հուշերում

Արտակ Բարսեղյան
«Ռադիոլուր»

«Մեդիամաքս»  լրատվական գործակալության գրասենյակում այսօր կայացավ  Ղարաբաղյան շարժման 25-րդ տարեդարձին նվիրված «Շարժում 1988/25»  գրքի շնորհանդեսը: Գիրքը ներկայացնում է  22 պատմություններ այն մարդկանց աչքերով, ովքեր անմիջական մասնակցություն են ունեցել  Շարժմանը: Շնորհանդեսը նրանցից մի քանիսի համար առիթ դարձավ վերհիշել 25 տարվա վաղեմության զարգացումները:  

Շեփորի հնչյունների ներքո 25 տարի առաջ Երևանում հավաքվում էին հազարավոր մարդիկ` դառնալով Ղարաբաղյան շարժման յուրահատուկ խորհրդանիշը: Այն օրերի դեպքերը նորովի բացահայտվել են «Մեդիամաքս»  լրատվական գործակալության կողմից իրականացված «Շարժում 1988/25»  նախագծի շրջանակներում, լրագրողներին հայտնեց գործակալության տնօրեն Արա Թադեւոսյանը։

Այսօր ունենք մի նոր սերունդ, որը տեղյակ չէ Ղարաբաղյան շարժման մասին և, փաստորեն,  հրատարակված գիրքը մի փորձ է՝ լրացնելու այդ բացը: Արա Թադևոսյանը նշեց, որ նյութերի պատրաստման ընթացքում շարժման առաջնորդներից և ակտիվ մասնակիցներից ոչ բոլորի հետ է հաջողվել հանդիպել: Ինչևէ՝ հավաքված 22 մարդկանց պատմությունները թույլ են տալիս նորից վերապրել 25 տարի առաջ արձանագրված ազգային վերելքը: Գրքի հերոսներից մեկը ՝ Հանրային պալատի նախագահ Վազգեն Մանուկյանն է, ով 1988-ին «Ղարաբաղ» կոմիտեի հիմնադիր անդամներից էր։

Անցած 25 տարիների գլխավոր թերությունը, ըստ պարոն Մանուկյանի, համապետական ընտրությունների կեղծումն է՝ 1995-96 թվականներից սկսած։ Լրագրող Աննա Իսրաելյանը, ով 25 տարի առաջ ուսանողական ակտիվիստ էր, նույնպես գրքի հերոսներից է։ Վերլուծաբան Տիգրան Հակոբյանը այն օրերին սովորում էր մոսկովյան բուհերից մեկում: Ծանոթահանալով գրքի հետ և վերհիշելով քառորդ դար առաջ սկիզբ առաջ Շարժումը, այսօր հուզվել էր։

Back to top button