ԿարևորՀասարակություն

Հոկտեմբերի 4- 6-ը օդի ջերմաստիճանը կնվազի 12- 15 աստիճանով

Աիդա Ավետիսյան
«Ռադիոլուր»

Օդերևութաբանական կանխատեսումների համաձայն` հոկտեմբերի առաջին տասնօրյակում կգրանցվի ամենացածր ջերմաստիճանը: Լեռնային շրջաններում գիշերային ժամերին կանխատեսվում  է ջերմաստիճանի անկում`մինչև 4-5 աստիճան ցուրտ, նախալեռնային շրջաններում 0-ից մինչև 4 աստիճան տաքություն: Արարատյան դաշտում գիշերը կանխատեսվում է ջերմաստիճանի անկում` մինչև 1-ից 5 աստիճան: Ըստ  ԱԻՆ Հիդրոմետ ծառայության  օդերևութաբանական  կենտրոնի  պետի տեղակալ Գագիկ Սուրենյանի`ամսվա երկրորդ տասնօրյակին կդիտվի  ջերմաստիճանի որոշակի բարձրացում։

Կլիմայական շեղումներ հոկտեմբերին,  ըստ օդերևութաբանի, չեն սպասվում, միայն կնկատվի տեղումների պակաս: Առաջիկա օրերին Սկանդինավիայի  շրջաններից դեպի հանրապետության տարածք  է ներխուժել  հզոր ցիկլոնային դաշտ, որն արդեն հասել է Թուրքիա և ազդում  է նաև մեր հանրապետության արևմտյան շրջանների վրա։ Հոկտեմբերի 4-ից  6-ը ընկած ժամանակահատվածում  հանրապետության տարածքում օդի ջերմաստիճանը կնվազի  12-ից 15 աստիճանով:

Երեկ Արարատյան դաշտում գրանցվել է  մինչև 30 աստիճան  տաքություն, իսկ հոկտեմբերի 5- 6-ը  մայրաքաղաքում և Արարատյան դաշտում  օդի միջին ջերմաստիճանը չի գերազանցի 14-ից 15 աստիճանը։ Արկտիկական օդի ներխուժմամբ պայմանավորված լեռնային առանձին շրջաններում տեղումները կդիտվեն ձյան տեսքով , առանձին հատվածներում 20-25 մետր վայրկյան քամու ուժգնացում:

Գագիկ Սուրենյանը զգուշացնում է գյուղատնտեսներին, որ  հոկտեմբերի 7-ի գիշերը, պայմանավորված եղանակի պարզեցմամբ, չի բացառվում, որ Արարտյան դաշտում  հողի մակերևույթի օդի ջերմաստիճանը մոտենա  0 աստիճանի։

Հոկտեմբերի 8- ից հետո հանրապետության տարածք կներթափանցի արևադարձային տաք հոսանքներ, որոնք կբերեն ջերմաստիճանի բարձրացում:   

Ցուցադրել ավելի
Back to top button