Հասարակություն

ՀՀ նախագահն այսօր ընդունեց Ամենայն հայոց եւ Մեծի տանն Կիլիկո կաթողիկոսներին

Նախագահ Սերժ Սարգսյանն այսօր հյուրընկալել է Գարեգին Բ Ծայրագույն Պատրիարք և Ամենայն Հայոց Կաթողիկոսին և Արամ Ա Մեծի Տանն Կիլիկիո Կաթողիկոսին։

Հանրապետության նախագահը, Ամենայն Հայոց հայրապետը և Մեծի Տանն Կիլիկիո հայրապետն անդրադարձել են Մայր Աթոռ Սուրբ Էջմիածնում այսօր աշխատանքն ավարտող Հայ Եկեղեցու Եպիսկոպոսաց ժողովի ընթացքին, ընդունված որոշումներին, եկեղեցու հոգևոր բարձրագույն իշխանության մարմնի կողմից քննարկված արդիական հարցերին, որոնք եկեղեցաբանական, ծիսական խնդիրներից բացի ներառել են նաև աշխարհասփյուռ հայության և Մայր հայրենիքի առջև ծառացած կարևորագույն խնդիրներն ու մարտահրավերները, Սփյուռքի գաղթօջախներում հայապահպանությանն ուղղված աշխատանքները և պետություն-եկեղեցի հարաբերությունները։

Հոգևոր առաջնորդները ևս մեկ անգամ կարևորել են հանրապետության նախագահի մասնակցությունը Եպիսկոպոսաց ժողովի բացմանը, նախագահի ելույթում հնչած համազգային կարևորության հարցերն ու դրանց նկատմամբ պետության դիրքորոշումները։

Ցուցադրել ավելի
Back to top button