Արմինե Գեւորգյան
«Ռադիոլուր»
Սեդրակյանին 2013 թվականին մարտի 5-ին էր ՀՀ նախագահի թեկնածու Պարույր Հայրիկյանի քաղաքական գործունեությունը դադարեցնելու նպատակով` նրա սպանությունը պատվիրելու մեղադրանք առաջադրվել: ԱԻՄ առաջնորդը ծանոթ չէ այդ դատավճռին, քանի որ հիասթափված է գործի ընթացքից: Ըստ նրա՝ դատավճիռը իրեն կհետաքրքեր եթե գործն իրականում ամբողջովին բացահայտվեր։ «Պետք է պարզվեր, որ պատվիրատու կոչվածը վերջին մեկ տարվա ընթացքում խաղացել է երեք միլինոն դոլար, որից 250 հազար դոլարը պարտվել է: Որտեղի՞ց են հայտնվել այդ գումարները մի մարդու մոտ, ով չի աշխատում, բայց ում ավտոմեքենան Հայրիկյանի մեքենայից թանկ արժի»,- նշեց Հայրիկյանը։
Պարույր Հայրիկյանը դեռ հստակ չի որոշել՝ բողոքարկելո՞ւ է դատավճիռըւ, թե՞ ոչ, բայց եթե բողոքարկի, ապա ոչ մեղադրյալների պատժաչափներն ավելացնելուն համար։
Դատավճռից անցում կատարելով դեպի Մաքսային միություն՝ Հայրիկյանը նշեց, որ Պուտինը հայտարարել էր, թե կայսերական պետությանը դեմ հանդես եկող ուժերի նկատմամբ պետք է մեղմ ուժ կիրառվի: Նա իրեն այդ ուժերից մեկն է համարում։ Մաքսային միությունը սպառնում է, ԵՄ-ն՝ առաջարկում, հետևաբար՝ բռնության հիման վրա ստեղծված կամավոր միությունը երկար կյանք ունենալ չի կարող, ասում է Հայրիկյանը։
«Մի անգամ կատակով ասացի, որ հնարավոր է` մի օր Մաքսային միության անդամ մնա միայն Հայաստանը, և անգամ Ռուսաստանը դուրս գա դրա կազմից»։
