Միջազգային

Մերկելը գերմանական կառավարությունը կղեկավարի երրորդ անգամ

Գերմանիայի կանցլեր Անգելա Մերկելի ղեկավարած Քրիստոնեա-դեմոկրատական միությունը նախօրեին կայացած համապետական ընտրություններում  կրկին ստացել են ձայների մեծամասնությունը:  Քրիստոնեա-դեմոկրատական միության օգտին է քվեարկել ընտրողների 42 տոկոսը, որը կուսակցության ամենահամոզիչ ցուցանիշն է 1990 թվականից հետո տեղի ունեցած բոլոր ընտրություններում:

Սակայն այս ձայները Մերկելին հնարավորություն չեն տալիս խորհրդարանում բացարձակ մեծամասնություն կազմել: Գլխավոր հարցն այժմ կոալիցիայի ձևավորումն է, քանի որ Քրիստոնեա-դեմոկրատական միության կոալիոցիոն գործընկեր Ազատ ժողովրդավարական կուսակցությունը չի կարողացել հաղթահարել Բունդեստագ անցնելու 5 տոկոսի արգելքը:

Հնարավոր է, որ Քրիստոնեա-դեմոկրատական միությունը ստիպված լինի ստեղծել  «մեծ կոալիցիա» մրցակից Սոցիալ-դեմոկրատական կուսակցության հետ, որը հավաքել է ընտրողների ձայների 26 տոկոսը: Սակայն Մերկելը կոալիցիայի մասին խոսելիս, նշել է, որ շատ վաղ է կոնկրետ ասել, թե ինչ են անելու:

Back to top button