Գտնվել է ժողովրդական նկարիչ Էդուարդ Արծրունյանի 1989 թվականաին ստեղծած որմնանկարը, որը տարիներ շարունակ ոչնչացված է համարվել, այսօր տեղեկացրել է լրագրող-արվեստաբան Էդուարդ Արծրունյանի ֆեյսբուքյան էջի հիմնադիր ու համակարգող Անահիտ Կորյունը։ Մեկ շաբաթ առաջ Անահիտ Կորյունին զանգահարում է գեղանկարիչ Խաչիկ Հարությունյանն ու ասում, որ ծանոթ է եղել Արծրունյանի հետ ու կցանկանար կիսվել նրա հետ նկարչի մասին հուշերով: Հանդիպման ժամանակ գեղանկարիչը պատմում է , որ տարիներ առաջ Արծրունյանի գլխավորությամբ Իջևանում «Գազպրոմի» հանգստյան տանը որմնանկար են ստեղծել։
Նկարիչ Կամո Սահակյանի՝ Կամսարի օգնությամբ Անահիտ Կորյունը տեղեկություններ է հավաքում եւ պարզում, որ հանգստյան տունն այսօր զորամասի է վերածվել։ Ուղեւորվում են Իջևանի Այգեհովիտ գյուղ, որտեղ էլ հայտնաբերեում են անվնաս, հրաշալի վիճակում գտնվող որմնանկարը։
Հրամանատարի հետ զրույցում պարզվել է, որ զորամասի տարածքը սեփականաշնորհված է, զորամասն առաջիկայում կտեղափոխվի իսկ շենքը կվերակառուցվի և ինչպես նախկինում կգործի որպես հանգստյան տուն: Հենց է այս տեղեկությունն էլ լուրջ մտահոգություն է ծնել։ Նա ցանկանում է, որ սեփականատերը տեղյակ լինի, որ այստեղ է գտնվում ժողովրդական նկարչի միակ որմնանկարը։
