Հասարակություն

Արցախում սիրիահայերի նոր հոսքի են սպասում

  Լուսինե Ավանեսյան
«Ռադիոլուր»- Ստեփանակերտ

http://www.armradio.am/hy/wp-content/uploads/2013/09/230913LXH.mp3
Արցախում  սիրահայերի նոր հոսքի են սպասում, «Հայաստան» համահայկական հիմնադրամի մի խումբ  նվիրատուների հետ հանդիպմանն այսօր հայտարաել է վարչապետ Արա Հարությունյանը: Լոս Անջելեսից և ԱՄՆ այլ շրջաններից Արցախ ժամանած բարերաները առաջիկա օրերի ընթացքում ծանոթանալու են  հայկական երկրորդ հանրապետությունում իրականացվող ծրագրերին։
Հիմնադրամի ԱՄՆ արևմտյան շրջանի գործադիր տնօրեն Սարգիս Քոթանջյանի խոսքով՝ բարերարների խումբն Արցախում է տարեկան շրջագայության շրջանակներում: Առաջին հուզող հարցերը ամերիկահայերն ուղղեցին  վարչապետ Արա Հարությունյանին, հետաքրքրվեցին սիրահայերի ճակատագրով:

Նրանք ովքեր վերջին տարվա ընթացքում են եկել  Արցախ` հարավային թևում են. հողագործությամբ են զբաղվում` ինչպես ավելի վաղ այդտեղ հաստատված սիրահայ ընտանիքները:Պետությունը ստանձնել է նրանց կեցավայրի, ապրուստի, տնտեսութայն աղբյուրի ստեղծման հոգսը:Այդ ամենը մինչև 50 հազար դոլար կարող է պահանջել, վերաբնակեցվող ընտանիքից ու նրա վիճակից ելնելով: Բարերաների բարձրաձայնած թիվը հաստատաեց վարչապետը:

Հիմա Արցախում սիրահայերի նոր հոսքի են սպասում: Նորեկներին պիտի փորձեն տեղավորել Արցախի մյուս շրջաններում, այն գյուղերում, որտեղ ազատ տներ կան: Արա Հարությունյանը ցրեց ամերիկահայերի կասկածները Արցախի հանրապետության և ազատագրված շրջանների ճակատագրի հանդեպ, որ  նրանք չթաքցրին` առաջացել է ԼՂՀ արտգործնախարարի  հայտնի հարցազրույցից հետո:

ԼՂՀ ժողովուրդը և ներկայիս իշխանությունը Արցախի ապագան պատկերացնում է ազատ և անկախ ու փաստացի սահմաններում, դրա առհավատչյան`այն բազմամիլիոնանոց ծրագրերն են, որ իրականացվում են նաև ազատագրված տարածքներում, ասաց Արա Հարությունայնը` պատմելով  դրանցից մի քանիսի մասին:

Երկուսին` Մարտակերտ- Վարդենիս մայրուղու շինարարությանը և  ազգային վիճակախաղին մասնակցելու առաջարկ ունեն նաև սփյուռքահայերը:

Ցուցադրել ավելի
Back to top button