Քաղաքական

Իրաքում եզդիներին որպես առանձին էթնիկ խումբ ճանաչելը ողջունել է ՀՀ եզդիական համայնքը

Աիդա Ավետիսյան
«Ռադիոլուր»

Առաջին անգամ Հայաստանն անկախացումից հետո պաշտոնապես ճանաչեց եզդիների ազգությունն ու լեզուն։ Դրանից հետո նրանց ազգությունը ճանաչել են Ռուսաստանը, ապա՝ Վրաստանը: Իսկ վերջերս Իրաքի խորհրդարանը որոշում  կայացրեց  եզդիներին ճանաչել որպես առանձին էթնիկական խումբ։

Ըստ Եզդիների միության  նախագահ Ազիզ Թամոյանի` այսօր Իրաքում ապրում է 1 մլն 300 հազար եզդի, որոնց համար այս որոշումը շատ կարևոր էր: «Եզդիխանա» թերթի գլխավոր խմբագիր Խըդըր Հաջոյանը նշել է, որ այդ որոշմամբ կթուլատրվի իրաքյան դպրոցներում դասավանդել եզդիների կրոնն ու լեզուն:

Երկրներ կան, որտեղ ապրում են եզդիներ, սակայն վերջիններիս ազգությունը  ճանաչված չէ: Թամոյանը հույս հայտնեց, որ եթե Իրաքում հարցը լուծվել է, ապա կլուծվի նաև մյուս երկրներում, որտեղ եզդիներ են բնակվում։ Հայաստանում Գերմանիայի դեսպանի հետ  հանդիպման ժամանակ Ազիզ Թամոյանը խնդրել է փոխանցել գերմանական իշխանություններին, որպեսզի այնտեղ բնակվող 200 հազար եզդիներին ճանաչեն էթնիկ առանձին խումբ։

Անցյալ տարի Արմավիրի մարզի Ակնաշեն գյուղի հարևանությամբ կառուցվել է  եզդիների մեծ սրբավայրը, որի գոյության մեկամյակը նշվի սեպտեմբերի 29-ին։

Back to top button