Տնտեսական

Ծիրանի արտահանումն այս տարի 84 տոկոսով գերազանցել է նախորդ տարվա ցուցանիշը

Հանրապետությունում ավարտվել են 2013 թվականի ծիրանի մթերման աշխատանքները, հայտնում են գյուղնախարարության մամուլի ծառայությունից։ Ընթացիկ տարում ծիրանի մթերման ծավալը շուրջ 47 տոկոսով գերազանցել է նախորդ տարվա մթերման ցուցանիշը: Այս տարի 28 պտուղբանջարեղեն վերամշակող ընկերություններ մթերել են 13. 044 տոննա ծիրան՝ նախորդ տարվա  8.855 տոննայի փոխարեն։

Ընթացիկ տարում ռեկորդային էին ծիրանի արտահանման ցուցանիշները: 29 ընկերություն և 514 անհատ ձեռներեց արտահանել են շուրջ 23.240 տոննա ծիրան, որից՝ 19.810 տոննա՝ ՌԴ, 2.593 տոննա՝ Վրաստան, 668 տոննա՝ Ուկրաինա և փոքր ծավալներով նաև այլ երկրներ։

Ընդհանուր առմամբ՝ ծիրանի արտահանման ծավալը 84 տոկոսով գերազանցել է նախորդ տարվա արտահանման ցուցանիշը:

 

Ցուցադրել ավելի
Back to top button