Հասարակություն

Արմավիրում դպրոցականների թիվը նվազել է, սակայն աճել է առաջինդասանցիների թիվը

Սաթիկ Իսահակյան
«Ռադիոլուր»

Նոր ուսումնական տարվա մեկնարկն է քննարկվել Արմավիրի մարզում դպրոցների տնօրենների մասնակցությամբ։ Խորհրդակցության սկզբում մարզպետ Աշոտ Ղահրամանյանը հետաքրքվեց, թե ինչպես են հանգստացել մանկավարժները և նրանց ցանկացավ  նոր լիցքեր, ուժ ու եռանդ, հաջողություններ նուր ուսումնական տարին սկսելու համար։

Այնուհետև Արմավիրի մարզպետարանի կրթության, մշակույթի և սպորտի վարչության պետ Գայանե  Սայադյանը ամփոփ  ներկայացրեց 2012-2013 ուումնական տարվա արդյունքները:  Հիմնական կրթություն ստացած 3019 աշակերտից 74-ը գերազանց է ավարտել, ակտիվ մասնակցություն են ունեցել առարկայական օլիմպիադաներին, «Կենգուրու» և այլ մրցույթներին` ունենալով հաջողություններ:  Սակայն այս ուսումնական տարում  աշակերիտների  թիվը նվազել է, որը կարող է  հանգեցնել  դասարանների և հաստիքների կրճատմանը, իսկ առաջին դասարան հաճախող երեխաների թիվը նախորդ տարվա համեմատությամբ աճել է։

Ներառական կրթությունը բեռնաթափում է  հատուկ դպրոցները:  Արմավիրի մարզւմ գործում է 2 հատուկ դպրոց Արմավիր և Վաղարշապատ քաղաքներում: Անցած ուսումնական տարում ներառական կրթություն են   իրականացրել Արմավիրի թիվ 5 և Վաղարշապատի թիվ 7 դպրոցներում, այս տարի կավելանա ևս 2-ը`  Արմավիրի թիվ 6 և Վաղարշապատի թիվ 9 դպրոցները։

Կրթության և գիտության նախարարության հանրակրթության վարչության պետ Նարինե Հովհաննիսյանը ներկայացրեց կրթական համակարգի   բարեփոխումները, իրականացվող քաղաքականությունը, միաժամանակ նշելով, որ հանրապետության նախագահ Սերժ Սարգսյանը  այցելել է  նախարարություն և գնահատել կրթության ռազմավարական  դերը մեր երկրի պաշտպանության գործում։

Նարինե Հովհաննիսյանը կարևորեց մանկապարտեզների և նախակրթարանների գործունեությունը: Այս տարի բացվել է 200 մանկապարտեզ, դպրոցների բազայի վրա հիմնված նախակրթարանները հնարավորություն են տալիս 5-6 տարեկան երեխաներին պատրաստված մտնել դպրոց: Նախակրթարանի աշակերտները համարվում են այդ դպրոցի աշակերտներ և դպրոցը ֆինանսավորվում է նաև նրանց թիվը հաշվի առնելով։ Այս ուսումնական տարում կբացվի ևս 70 նախակրթարան:

Խրախուսվեց շախմատի ուսուցումը  նաև 4-րդ դասարանում:  1-9 դասարանների  20 անուն դասագրքի փորձարարական աշխատանք  է իրականացվել, որոնց ծրագրերը  զգալիորեն բեռնաթափվել են: Առաջին դասարանցիների համար մշակվում են համակարգչային ծրագրեր և նրանք նույնպես կունենան համակարգիչներ:

Կրթական համակարգի բարեփոխումներից է 12-ամյա կրթության պարտադիր ծրագիրը: Հիմնական կրթություն ունեցող աշակերտներից 5000-ը չի շարունակում  ուսումը  հետագա  եռամյա համակարգում, իսկ  նրանցով ոչ ոք չի զբաղվում:  12-ամյա պարտուսը հնարավորություն կտա լիարժեք կրթություն ստանալ նաև արհեստագործական ուսումնարաններում, քոլեջներում, միջնակարգ մասնագիտական այլ հաստատություններում։

Բարեփոխումներ են իրականացվում ներառական կրթության ամրապնդման ուղղությամբ «Բոլոր երեխաներին հավասար կրթություն» կարգախոսով: Բեռնաթափելով հատուկ դպրոցները  դրանք կվերածվեն  գնահատման կենտրոնների, մասնագետները դարձյալ կաշխատեն հատուկ կարիք ունեցող երեխաների հետ հանրակրթական դպրոցներում։

Հանրապետություն կգործի միայն 5-6 հատուկ դպրոց  շատ առանձնահատուկ կարիք ունեցող երեխաների համար: Բոլոր դասագրքերը տպագրված են և հատկացվել են դպրոցներին: Լրամշակվել է տարակարգ ստացող ուսուցիչների բաղադրիչները, դրանք հնարավորին չափով մեղմացվել են և  7-ից 2-ը ունենալու դեպքում ուսուցչին կտրվի  տարակարգ: Սա կխթանի ուսուցչի աշխատանքը:

Ամրավիրի մարզպետ Աշոտ Ղահրամանյանն էլ հավելեց, որ հունվարի մեկից նախատեսվում է ուսուցչի աշխատավարձի բարձրացում 122 հազար դրամից մինչև 165 հազար դրամ:  Ընդհանուր հաշվարկով՝  դպրոցներում շատ են ուսումնաօժանդակ աշխատողների թիվը, որը նախատեսվում է կրճատել:  Նոր  ուսումնական տարում կտրվեն հաստիքների ցուցակները ըստ աշակերտ թվի հաշվարկի և կիրականացվեն օժանդակ հաստիքների  կրճատումները: Նախատեսվում է կրճատել նաև դպրոցներում աշխատող քարտուղարուհիների հաստիքները: Դպրոցների չգործող մասնաշենքերը փակվելու են,  մի քանի դպրոցներ էլ կմիավորվեն։

Ցուցադրել ավելի
Back to top button