ԿարևորՀասարակություն

Հարությունյանը ոչ միայն իրավական, այլեւ հոգեբանական աջակցության կարիք ունի

Լուսինե Վասիլյան

«Ռադիոլուր»

Պատրաստ եմ գնալ Մոսկվա եւ պաշտպանել մեր հայրենակցին՝ այսօր լրագրողների հետ հանդիպման ժամանակ ասել է  Փաստաբանների պալատի անդամ, փաստաբան Ռուբեն Բալոյանը: Նա  համոզված  է, որ Մոսկվայի մերձակայքում հուլիսի 13-ին տեղի ունեցած ողբերգական  վթարից հետո երթևեկության կանոնները խախտելու մեջ մեղադրվող Հրաչյա Հարությունյանին  ոչ միայն իրավական պաշտպանություն, այլ նաև  բարոյահոգեբանական աջակցություն է անհրաժեշտ: Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանն էլ կարծում է, որ Հայաստանը պետք է քայլեր ձեռնարկի Հրաչյա Հարությունյանին Հայաստան տեղեփոխելու և դատավարությունն այստեղ իրականացնելու ուղղությամբ:

Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանն իր ցավակցությունն է հայտնում  ոչ միայն հուլիսի 13-ին Մոսկվայի  մերձակայքում տեղի ունեցած ողբերգական ավտովթարի 18 զոհերի հարազատներին, այլ նաև բոլոր այն մարդկանց հարազատներին, ովքեր Ռուսաստանում ավտովթարի զոհ են դարձել անսթափ վիճակում գտնվող վարորդների մեղավորության արդյունքում:

«Ես նայել եմ վիճակագրություն. միայն այս տարվա ընթացքում մոտավորապես 100 անգամ ավելի շատ մարդ է զոհվել այն ավտովթարների արդյուքնում, որոնց վարորդները հարբած են եղել»:

Գրիգրոյանը կարծում է, որ դեպքին  անմիջապես հաջորդած օրերին ռուսական լրատվամիջոցներն իրենց  հրապարակումներում խախտել են լրագրողական էթիկայի կանոնները՝ անընդհանտ շեշտելով վարորդի ազգությունն, չպահպանելով անմեղության կանխավարկածը:

Քաղաքագետը  գոհ է արտգործնախարարության արձագանքից: Ռուսաստանում ՀՀ դեսպանության ներկայացուցիչները, նկատենք,  երեկ քննչական մեկուսարանում հանդիպել են Հրաչյա Հարությունյանին: Վերջինը հավաստիացրել է, որ մեկուսարանում պատշաճ պայմաններ են: Դեսպանութայն ներկայացուցիչները հարազատներին խոստացել են առաջիկա օրերին Հարությունյանի հետ հեռախոսազրույց կազմակերպել:

Ստեփան Գրիգորյանը կցանկանար, որ  բարձրացվեր հանդիպումների մակարդակը  և Հրաչյա Հարությունյանին այցելեր  օրինակ դեսպանը կամ փոխդեսպանը: Իսկ քաղաքագետի հիմնական առաջարակը վերաբերում է Հրաչյա Հարությունյանի արտահանձնումը կազմակերպելուն: Ըստ նրա ՝ Հայաստանի և Ռուսաստանի միջև այս գործընթացը կազմակերեպելու համար անհրաժեշտ իրավական բոլոր հիմքերը կան:

«Շատ կարևոր է այդ պրոցեսը հիմա սկսել: Մինչև դատը մենք այդ հարցը պետք է  Մինչև դատը վերադարձի հարցը պետք է բարձրացնել։ Ակնհայտ է , որ Ռուսաստանը քաղաքականացնում է հարցը, ուրեմն միամիտություն է սպասել, որ օբյեկտիվ դատավարություն  կլինի»:

Փաստաբանների պալատի անդամ, փաստաբան Ռուբեն Բալոյանը պատրաստ է մեկնել  Ռուսաստան և որպես փաստաբան պաշտպանել Հրաչյա Հարությունյանին: Նրա պարզաբանմամբ ՝ հայ պաշտպաններ ներգրավելու երկու ճանապարհ կա. կամ Փաստաբանների պալատը պետք է գործուղի, կամ  փաստաբանին պետք է դիմեն Հարությունյանի հարազատները.« Հրաչյա Հարությունյանին պաշտպանելու համար որևէ վարձատրություն պետք չէ, պարզապես Մոսկվայում  պաշտպանություն իրականացնելու համար միջոցներ են պետք։ Բազմաթիվ մարդիկ պատրաստ են աջակցելու: Ես որևէ մեկին հրաժարվել եմ հաշվահամար տրամադրել, քանի որ նշված խնդիրը լուծված չէ»:

Վթարը պատկերող տեսանյութը վերլուծելով ՝ փաստաբանը համոզվել է, որ իր գործողություններում Հրաչյա Հարությունյանը կարողացել է ճիշտ կողմնորոշվել,  ինչը վարորդի փորձառության մասին է խոսում:  «Տեսանյութից հստակ երևում է, թե մեր հայրենակիցն ինչպես է կտրուկ ձախ շրջադարձ կատարում, և եթե «Կամազ» մակնիշի մեքենան ճակատ առ ճակատ բախվեր ավտոբուսին, ապա զոհերի թիվը անհամեմատ ավելի  ավելի մեծ կլիենր»:

Ռուբեն Բալոյանը, ով ճանապարհատրանսպորտային պատահարների ոլորտում մասնագիտացած փաստաբան է, նկատեց, որ Հրաչյա Հարությունյանը ծանր իրավիճակում է  հայտնվել և ոչ միայն իրավական, այլ նաև բարոյահոգեբանական աջակցության կարիք ունի:

Ցուցադրել ավելի
Back to top button