Քաղաքական

ՌԴ դեսպանատուն. Որոշ անձանց կողմից հակառուսական կրքեր են բորբոքվում

Հայաստանում Ռուսաստանի դեսպանատունը «որոշ անձանց կողմից հակառուսական կրքեր բորբոքել» է որակել Պոդոլսկում 18 մարդու կյանք խլած ավտովթարին հաջորդած դեպքերի հայաստանյան արձագանքը։

«Ցավում ենք, որ մերձմոսկովյան Պոդոլսկ քաղաքում հուլիսի 13- ին տեղի ունեցած ճանապարհա- տրանսպորտային պատահարը, որը 18 մարդու կյանք է խլել, օգտագործվում է որոշ մարդկանց կողմից հակառուսական կրքեր բորբոքելու նպատակով։

Կարծում են բացարձակապես անտեղի են մարդկային մեծ ողբերվությունը նեղ քաղաքական նպատակներին ծառայեցնելու եւ ռուս- հայկական հարաբերությունները վնասելու գործողությունները։ Պատվիրված քաղաքական գնահատականները անընդունելի են։

Պոդոլսկում տեղի ունեցած ողբերգությունը չունի ազգային երանգ եւ կհետաքննվի համակողմանի, մանրամասնորեն, անկողմնակալ եւ առանց զգացմունքների»,- ասված է դեսպանատան հայտարարության մեջ։

Ռուսաստանի դեսպանատունը, ըստ էության, շրջանցել է հայ հասարակության շրջանում բողոքի պատճառները, այն է՝ վթարից հետո երթևեկության կանոնները խախտելու մեջ մեղադրվող Հրաչյա Հարությունյանի նկատմամբ դատարանում իրավապահների պահվածքը, ինչպես նաեւ ռուսական դաշնային հեռուստաընկերությունների կողմից արտահայտված հակահայկական հիստերիան։

Ցուցադրել ավելի
Back to top button