Մշակույթ

Կինո նկարահանելը տղամարդու գործ է, ասում է կին ռեժիսորը

Ալիսա Գեւորգյան

«Ռադիոլուր»

«Ֆիլմը նաև իմ մասին է, քանի որ ես էլ եղել եմ երազկոտ աղջկ ու անցել անցումային տարիքի թերությունների ու առավելությունների միջով: Ֆիլմում իմ հիշողություններն են, որոնք այլևս երբեք ետ չես  բերի»,- խոսելով իր վերջին՝  «Այդ ես չեմ» ֆիլմի մասին այսօր ասել է երիտասարդ կինոռեժիսոր Մարինա Սահակյանը:
«Ոսկե ծիրան» 10-րդ կինոփառատոնում ֆիլմը ներկայացված է միջազգային խաղարկային մրցույթ-հայկական համայնապատկեր մրցույթ անվանակարգում:
Հիշեցնենք, որ «Հայակ 2013» ազգային կինոմրցանակաբաշխության ժամանակ «Այդ ես չեմ » ֆիլմն արժանացել է մրցանակների «Լավագույն օպերատոր» և «Լավագույն ռեժիսոր» անվանկարգերում։
Մարիա Սահակյանի «Այդ ես չեմ»  ֆիլմը   կարծեք շարունակում է հեղիանակի առաջին լիամետրաժ աշխատանքի՝ «Փարոս»-ի  բանաստեղծական մտահղացումը: Պատումի առանցքում 14-ամյա աղջկա` Եվրիդիկեի աշխարհն է. նա ապրում է անցումային տարիքի  առաջին զգացմունքային ցնցումները:
Տպավորիչ և գեղարվեստակա գույներով    ֆիլմը ներկայացնում է աղջկա   անձնական աշխարհը, նա ունի անցումային տարիքին բնորոշ մի շարք բարդույթներ ու փրկության լույսը տեսնում է միայն համացանցի  և բջջային հեռախոսի տեսապատկերներում:
Աղջկա կյանքը շրջադարձային փոփոխության է ենթարկվում  անծանոթ տղամարդու ձեռքով, որն էլ դառնում է թե փրկության , թե ամենամեծ վտանգի խորհրդանիշը: Ռեժիսորի խոսքով`  ֆիլմը կոչված է արտացոլելու սիրո տարբեր չափումները։

Մարիա Սահակյանը ծնվել է 1980 թվականին Երևանում,  1992-ին ընտանիքի հետ տեղափոխվել է Ռուսաստան: Ավարտել է Մոսկվայի  Կինեմատոգրաֆիայի  պետական համալսրանը: 2000-2003 թվականներին  մուլտիմեդիա հանրագիտարանի համար  նկարահանել է մի շարք կարճամետրաժ աշխատանքներ: Համալսարանն ավարտել է  2003-ին  «Հրաժեշտ»  դիպլոմային աշխատանքով, որի եվրոպական պրեմիերան կայացել է   Ռոտերդամի կինոփառատոնում, իսկ ամերիկյան պրեմիերան՝ Թելյուռայդի  միջազգային կինոփառատոնում:
2007-ին երիտասարդ ռեժիսորը նախաձեռնել է «Գյումրի  1946» նախագիծը: Նկարահանել կարճամետրաժ մի շարք ֆիլմեր: 2012-ին նախաձեռնել միանգամից երկու՝ « Անտրոպիա» և «Այդ ես չեմ ֆիլմերը:
«Ոսկե ծիրանին» մասնակցելուց առաջ վերջինը ներկայացվեց մոսկովյան կինոփառատոնում, իսկ ապրիլին Երևանում կայացած «Հայակ»  ազգային մրցանակաբաշխության ժամանակ այն հաղթող էր ճանաչվել «Լավագույն խաղարկային ֆիլմ» անվանակարգում:
Ֆիլմը ներկայացված է նաև «Ոսկե ծիրան» 10-րդ կինոփառատոնի մրցութային ծրագրում: Մարիա Սահակյանը  խոստովանում է, որ Ֆիլմն ստեղծման դժվար ճանապարհ է անցել:
«Երբ սկսեցինք աշխատանքը, բյուջեում ընդամենը 10 հազար դոլար ունեինք»,-ասում է ռեժիսորը: Իր նոր մտահաղացումն իրականացնելու համար առնվազն  1 միլիոն 357 հազար եվրո է անհրաժեշտ: Գումարը, ինչպես և նախկինում, արտաքին աղբյուրներից է ակնկալում։

«Դժվար է լինել փափուկ, համեստ, կանացի  ու միաժամանակ ֆիլմ նկարահանել»,- ասում Մարիա Սահակյանն ու խոստովանում, որ կինո նկարահանելը  տղամարդու գործ է:
Միաժամանակ՝ հավելում է ` կինոյում ինձ չափազանց հարմարավետ եմ զգում: Իսկ երեք երեխաներին ամենից շատ մեկ հարց է հուզում` երբ է ավարտելու այդ չարաբաստիկ գործը։

Ցուցադրել ավելի
Back to top button