Մշակույթ

Մարգարեթե ֆոն Թրոթայի հայաստանյան նորամուտը՝ «Ոսկե ծիրանով»

Ալիսա Գեւորգյան

«Ռադիոլուր»

«Ոսկե ծիրան» երևանյան 10-րդ  կինոփառատոնը ներկայացնում է նոր`  «Ռուսական կինոյի օրեր»  ծրագիրը` Ռուսաստանի Դաշնության մշակույթի նախարարաության և «Կինոֆեստ» պրոդյուսերական կենտրոնի հետ համատեղ:
Ծրագիրը պաշտոնապես մեկարկել է այսօր` Բորիս Խլեբնիկովի  «Քանի դեռ գիշերը չի բաժանել մեզ»  ֆիլմի ցուցադրությամբ և կներկայացնի  ռուսաստանյան 2012-13 թվակակնների արտադրության ևս  հինգ ֆիլմ։
«Երևանյան պրեմիիերաներ» ծրագրի շրջանակներում այսօր   տեղի կունենա գերմանացի ռեժիսոր Մարգարեթե  ֆոն Թրոթայի  «Հաննա Արդենտ» ֆիլմի ցուցադրությունը, որին նախորդեց ռեժիսորի մամուլի ասուլիսը։
«Ս
ա մի հուզիչ ֆիլմ է հրեական ծագումով գերմանացի  քաղաքական փիլիսոփա Հաննա Արենդտի մասին: 1961թվականին նա  Նյու Յորքից մեկնում է Երուսաղեմ, որպեսզի  լուսաբանի  նացիստ Ադոլֆ էյխմանի  դատավարությունը։
Արենդտի հոդվածները  լույս տեսնելուց հետո զայրույթի մեծ ալիք են բարձրացնում:  Նա Էյխմանին համարում էր  ոչ թե հրեշ, ինչպես ողջ աշխարհում, այլ՝ մարդասան, որը  փորձել է հնարավորինս լավ կատարել  իրեն տրված  առաջադրանքը:
Իր մոտեցման համար Արենդտն արժանացավ  արհամարհանքի, կորցրեց վաղեմի բարեկամներին: Հրենաների շրջանում նրան պարզապես դավաճան էին համարում, բայց նա մնաց իր կարծիքին։
«Հաննա Արդենտ»  ֆիլմն արժանացել է բազմաթիվ մրցանակների։ Թրոթայի ֆիլմերը հայտնի են ողջ աշխարհում, Հայաստանում, սակայն, դրանց մասին գիտեն քչերը։
«
Ոսկե ծիրանի» շնորհիվ Թրոթան առաջին անգամ Հայաստանում է։ Մեր երկրի մասին շատ բան չգիտի, լսել է, սակայն, որ այստեղ են գտնվում աշխարհի ամենագեղեցիկ եկեղեցիները: Գերմանացի ռեժիսորի նախնական տպավորություններով Հայաստանանում ապրում են բավականին ուրախ ու կենսախինդ մարդիկ։

«Իմ ֆիլմերը սկսվում են առաջին կադրից, ամենակարևորը սկիզբն է: Դրա համար էլ չեմ սիրում, երբ մարդիկ  դահլիճ են մտնում ուշացած»,-վերադառնալով իր ֆիլմերին՝ այսօր ասաց գերմանացի ռեժիսորը։

Back to top button