Հասարակություն

Ոստիկանության Երեւանի կենտրոնական բաժինն արդեն նոր շենք ունի

Ալիսա Գեւորգյան

«Ռադիոլուր»

Նախագահ Սերժ Սարգսյանն այսօր մասնակցել է  ՀՀ ոստիկանության  Երևան քաղաքի վարչության    կենտրոնական բաժնի  նոր վարչական շենքի բացման  արարողությանը: Նախագահը շրջայց է կատարել  ոստիկանության նորաբաց   վարչական շենքում, ծանոթացել  կատարված շիանարարական աշխատանքներին ու աշխատանքային պայմաններին։
Ոստիկանության կենտրոնական բաժնի Իսրայելյան 41 հասցեում գտնվող  շենքն անմխիթար վիճակում էր, անբարեկարգ, անհարմարավետ աշխատասենյակներ,  ծառայության կազմակերրպման  և  քաղաքացիների ընդունելության  անբավարարա պայմաններ , ինչը  ոչ միայն անհարիր էր  մայրաքաղաքային ոստիկանության բաժնին, այլև  խանգարում էր  ծառայողական պարտականությունների լիարժեք  իրականացմանը:
Ոստկանության կենտրոնական բաժնի անձնակազմն այսօրվանից կաշխատի նոր պայմաններում:  Վազգեն Սարգսյանի անվան հանրապետական մարզադաշտի հարևանությամբ  գործող նորակառույց շենքը զբաղեցնում է 4500 քմ ընդհանուր մակերես, ունի անձնակզմի թվին համապատասխան   հարմարավետ աշխատասենյակներ, այն ամենն ինչ անհրաժեշտ է ծառայության լիարժեք կազմակերպամն համար:
Ոստիկանության Երևան քաղաքի վարչության պետ  Աշոտ Կարպետյանի խոսքով՝ շենքի շահագործումը  ևս մեկ քայլ է  համակարգի  բարեփոխման ծրագրի իրականացման ճանապարհին։
Ոստիկանության աշխատանքը սկսվում է հերթապահ մասից. 24- ժամյա աշխատանք, անընդհատ լարվածություն:  Կենտրոնական բաժնի   օպերատիվ հերթապահ, ոստիկանության լեյտենանտ Վարդան Սուքիասյանը համոզված է` նոր պայմաններում աշխատանքն ավելի  հաճելի ու արդյունավետ կլինի։

Back to top button