Հասարակություն

Արցախում է Հայաստանի Վճռաբեկ դատարանի պատվիրակությունը

Լուսինե Ավանեսյան
«Ռադիոլուր»-Ստեփանակերտ

Արցախում է Հայաստանի Վճռաբեկ դատարանի պատվիրակությունը` նախագահ Արման Մկրտումյանի գլխավորությամբ: Ստեփանակերտում այսօր համագործակցության երկու հուշագրեր են ստորագրվել: Առաջինը Հայաստանի Վճռաբեկ դատարանի և ԼՂ-ի գերագույն դատարանի միջև էր, երկրորդը` դատավորների միությունների: Արցախում վճռաբեկության իրավասությունը Սահմանադրությամբ Գերագույն դատարանի վճռաբեկ պալատին է վերապահված: Այսօրվա հուշագրով թարմացվել են 2005 թվականի նմանատիպ փաստաթղթով հաստատված դրույթները:

Այդ անհրաժեշտությունը ծագել է Արցախում դատական համակարգի համընդգրկուն բարեփոխումներից հետո, որոնք սկսվել էին 2006-ին ԼՂ-ի Սահմանադրության ընդունումից հետո: Հուշագիրը հստակեցնում է համագործակցությունը միասնական տեղեկատվական դաշտի ձևավորման, մասնագետների վերապատրաստման, դատական պրակտիկայում կուտակված փորձի փոխանակման և այլ ոլորտներում:

Ցուցադրել ավելի
Back to top button