ԿարևորՀասարակություն

«Թեղուտ» ՓԲԸ-ում բնապահպանական ստուգումներ կանցկացվեն

2013 թվականի չորրորդ եռամսյակում «Թեղուտ» ՓԲԸ-ում վերջապես կիրականացվեն բնապահպանական ստուգումներ, ինչի մասին Մարդու իրավունքների պաշտպանի աշխատակազմը գրություն է ստացել ՀՀ բնապահպանության նախարարությունից:

«Հույս ենք հայտնում, որ պետական իրավասու մարմինների կողմից ստուգումները կիրականացվեն օրենքի խիստ պահպանմամբ, հստակ սահմանված ժամկետներում և կձեռնարկվեն բոլոր միջոցները գործունեության օրինականությունը պարզելու և հայտնաբերված խախատումները վերացնելու ուղղությամբ:

Միևնույն ժամանակ Պաշտպանի աշխատակազմը շարունակելու է հետևողական  լինել խնդիրների լուծմանը, ինչպես նաև հնարավորինս արդյունավետ կերպով արձագանքելու է բնապահպանների կողմից բարձրացված խնդիրներին:

Դեռևս 2013 թվականի մարտից ՀՀ մարդու իրավունքների պաշտպանի աշխատակազմն ուսումնասիրում է Թեղուտի հանքավայրի շահագործման հետ կապված «Թեղուտի պաշտպանության քաղաքացիական նախաձեռնության» կողմից ներկայացված դիմումում բարձրացված խնդիրներն այն մասին, որ Թեղուտի հանքի ներկայիս շահագործումն իրականացվում է նոր, համապատասխան փորձաքննություն չանցած նախագծով, իսկ իրենց դիմումը ՀՀ բնապահպանության նախարարությանը բնապահպանական տեսչական ստուգումներ անցկացնելու պահանջով մնացել էր անպատասխան»,- ասված է ՄԻՊ աշխատակազմի տարածած հաղորդագրության մեջ։

Ցուցադրել ավելի
Back to top button