Կարևոր

Արա Գոչունյան.«Թուրքիայում ապրող հայ համայնքը երկրի ներքաղաքական իրադարձություններում մեծ գործոն չունի»

Շաքե Ավոյան
«Ռադիոլուր»

Թուրքիայի վարչապետ Ռեջեփ Թայիփ Էրդողանի հայտարարությունն այն մասին, որ իշխանությունները պատրաստ են բանակցել ցուցարարների հետ, սակայն չեն հրաժարվել Գեզի այգու ծառերը հատելու ծագրերից, զանգվածային բողոքի նոր ալիք է հրահրել: Ինչպես հաղորդում է «Ռոսիա 24»-ը, ցույցերը կրկին ավարտվել են անկարգություններով և ոստիկանության հետ բախումներով: Ի տարբերություն նախորդ գիշերների, ոստիկանությունն այս անգամ արցունքաբեր գազ և ջրցաններ չի օգտագործել: Ի աջակցություն ցուցարարների՝ ակցիաներ են տեղի ունեցել նաև այլ երկրներում, օրինակ` ԱՄՆ-ում:

«Արդեն մի քանի օր է` իշխանությունները փորձում են հատել այգու ծառերը և դրա փոխարեն առևտրի կենտրոն կառուցել: Մենք դեմ ենք վարչապետի քաղաքականությանն ընդհանուր առմամբ: Ամբողջ աշխարհն արդեն գիտի այդ մասին: Հույս ունենք, որ քաղաքական գործիչները ճիշտ եզրահանգումներ կանեն»,- հայտարարել են ցուցարարները:

Ինչ մտահոգություններ ունեն այսօր Թուրքիայում ապրող հայերն ու որքանով են առնչվում այս իրադարձություններին: Այս հարցով «Ռադիոլուր»-ը դիմել է Թուրքիայի «Ժամանակ» օրեթերթի խմբագիր Արա Գոչունյանին: Նրա խոսքով, հայրեն ապրում են նույն մտահոգություններով, ինչ հասարակության մյուս անդամները և նույն սպասողական վիճակում են:

Ցուցադրել ավելի
Back to top button