Կարևոր

Վրաստանի նոր իշխանությունները պատրաստ են վերանորոգել երկրի բոլոր հայկական եկեղեցիները

Գիտա Էլիբեկյան

«Ռադիոլուր»

Թբիլիսի

Վրաստանի կառավարության մի խումբ ներկայացուցիչներ երեկ վարչապետ Բիձինա Իվանիշվիլիի գլխավորությամբ այցելել են առաջնորդանիստ սուրբ Գևորգ եկեղեցի, ծանոթացել վերանորգման աշխատանքներին: Վարչապետը իր պատրաստակամությունն է հայտնել օժանդակել եկեղեցու վերկանգնման հիմնադրամին: Իսկ վերաինտեգրման հարցերով պետնախարար Պաատա Զաքարեիշվիլին «ռադիոլուրին» փոխանցել է, որ Վրաստանի նոր իշխանությունները պատրաստ են վերանորգել երկրի տարածքում գտնվող բոլոր, այդ թվում հայկական եկեղեցիները:
Վերաինտեգրման հարցերով պետնախարար Պաատա Զաքարեիշվիլին Վրաստանի տարածքում գտնվող բոլոր տաճարները Վրաստանի հարստությունն է համարում և նշում է, որ դրանք անհրաժեշտ է պահպանել:
ձայն «մեր կառավարության համար կարևոր չէ թե ում եկեղեցին է այն, ով է այնտեղ աղոթում. դրանք բոլորը մեր երկրի հարստությունն են և Վրաստանը պարտավոր է պահպանել դրանք: Իսկ թե ում է պատկանում, այդ հարցի լուծումը թող եկեղեցիները տան»:
Զաքարեիշվիլին ասաց, որ երկրի նոր իշխանությունները ամեն ինչ անելու են, որ մինչև մեր օրեր հասած պատմական հուշարձանները, եկեղեցիները չփլուզվեն և շարունակեն դարերով կանգուն մնալ: Ինքը որ բազմիցս է Վրաստան այցելած զբոսաշրջիկներին ծանոթացրել Վրաստանի տեսարժան վայրերի, այդ թվում հայկական եկեղեցիների հետ, ասում է, որ ուրախանում ու հպարտանում է Վրաստանում հայկական եզակի մշակույթի ներկայությամբ:
«Մենք հպարտանում ենք, որ Թբիլիսիի կենտրոնում կա նման եկեղեցի», ասաց Զաքարեիշվիլին` նկատի ունենալով սուրբ Գևորգը:
Առաջնորդանիստ սուրբ Գևորգ եկեղեցին անցյալ տարի է փակվել վերականգնման, ամրացման և մասնակի վերակառուցման նպատակով: Վերանորոգումն իրականացվում է մի խումբ հայ բարերարների աջակցությամբ: Վարչապետ Բիձինա Իվանիշվիլին ծանոթացնալով եկեղեցու վերանորգման ընթացքին, խոսատցավ օժանդակել «Սուրբ Գևորգ եկեղեցու վերակառուցման հիմադրամին»:
Թբիլիսիի սուրբ Գևորգ եկեղեցին կառուցվել է 1251թ-ին, Նարիղալա բերդի ստորոտում 631թ.-ին կառուցված Վիրահայոց թեմի առաջին տաճարի տեղում: Այն բազմիցս ավերվածությունների է ենթարկվել, սակայն կանգուն է մնացել: Ն. Հովնաթանյանի և Գ. Բաշինջաղյանի որմնանկարներով զարդարված տաճարը վերջին անգամ վերանորգվել է 1924 թվականին:

Ցուցադրել ավելի
Back to top button